(॥పల్లవి॥)
చిత్తజుని మోహపుశృంగారవనమో యీకె
పొత్తుల వసంతమాడే పురుషునితోడను
(॥॥)
పాయము మోసులువారెఁ బడఁతికుచములను
చాయవలపు కన్నుల జాజుకొనెను
చేయివాలెఁ గోరికలు చిగురులకొనగోళ్ళ
యీయెడ విభునివద్ద నింతిఁ జూడరమ్మా
(॥॥)
కొప్పునఁ గొనలుసాగెఁ గోమలితమకములో
కప్పురపుమాటలను గర్వము వూచె
పుప్పొడి రాలె సెలవిఁ బొలఁతికి సిగ్గులనె
చెప్పరాదు పానుపుపై చెలియభావములు
(॥॥)
భావరతి పంటవండె భామినిబింబపు మోవి
కైవశమై రాసికెక్కెఁగళలెల్లాను
యీవేళ శ్రీ వేంకటేశుఁ డింతియుఁ గూడఁగాను
దేవిదేవరవలె దిష్టమాయ నిదివో
(||pallavi||)
sittajuni mohabuśhṛṁgāravanamo yīgĕ
pŏttula vasaṁtamāḍe puruṣhunidoḍanu
(||||)
pāyamu mosuluvārĕm̐ baḍam̐tigusamulanu
sāyavalabu kannula jājugŏnĕnu
seyivālĕm̐ gorigalu sigurulagŏnagoḽḽa
yīyĕḍa vibhunivadda niṁtim̐ jūḍarammā
(||||)
kŏppunam̐ gŏnalusāgĕm̐ gomalidamagamulo
kappurabumāḍalanu garvamu vūsĕ
puppŏḍi rālĕ sĕlavim̐ bŏlam̐tigi siggulanĕ
sĕpparādu pānububai sĕliyabhāvamulu
(||||)
bhāvaradi paṁṭavaṁḍĕ bhāminibiṁbabu movi
kaivaśhamai rāsigĕkkĕm̐gaḽalĕllānu
yīveḽa śhrī veṁkaḍeśhum̐ ḍiṁtiyum̐ gūḍam̐gānu
devidevaravalĕ diṣhṭamāya nidivo