చిత్తజు వేఁడుకొనరే చెలియలాల
(॥పల్లవి॥)
చిత్తజు వేఁడుకొనరే చెలియలాల
తత్తరించి పతిమీఁది తలపోఁతనున్నది
(॥చిత్త॥)
అతివవై మదనుఁడు అనలాస్త్రమేయఁబోలు
కతలుగ విరహగ్నిఁ గాఁగీనదే
యితవుగా వరుణాస్త్రమేయఁబోలునప్పటిని
తతిఁ జెమటవానలఁ దడియుచునున్నది
(॥చిత్త॥)
అమరగ నంతలో వాయవ్యాస్త్రమేయఁబోలు
వుమరఁబడి నిట్టూర్పులొగి రేఁగెను
జమళిఁ గూడఁగ నట్టె శైలాస్త్రమేయఁబోలు
భ్రమసి చనుఁగొండలు బాయిటఁ గాన్పించెను
(॥చిత్త॥)
మునుకొని పంతాన సమ్మోనాస్త్రమేయఁబోలు
మనసు పరవశాన మరపందెను
అనిశము రక్షగా నారాయణాస్త్రమేయఁబోలు
ఘన శ్రీవేంకటేశుఁడు కాఁగిటిలోఁ గూడెను
(||pallavi||)
sittaju vem̐ḍugŏnare sĕliyalāla
tattariṁchi padimīm̐di talabom̐tanunnadi
(||sitta||)
adivavai madanum̐ḍu analāstrameyam̐bolu
kadaluga virahagnim̐ gām̐gīnade
yidavugā varuṇāstrameyam̐bolunappaḍini
tadim̐ jĕmaḍavānalam̐ daḍiyusununnadi
(||sitta||)
amaraga naṁtalo vāyavyāstrameyam̐bolu
vumaram̐baḍi niṭṭūrbulŏgi rem̐gĕnu
jamaḽim̐ gūḍam̐ga naṭṭĕ śhailāstrameyam̐bolu
bhramasi sanum̐gŏṁḍalu bāyiḍam̐ gānpiṁchĕnu
(||sitta||)
munugŏni paṁtāna sammonāstrameyam̐bolu
manasu paravaśhāna marabaṁdĕnu
aniśhamu rakṣhagā nārāyaṇāstrameyam̐bolu
ghana śhrīveṁkaḍeśhum̐ḍu kām̐giḍilom̐ gūḍĕnu