చిత్తగించవే దేవ శ్రీపతి నావిన్నపము
(॥పల్లవి॥)
చిత్తగించవే దేవ శ్రీపతి నావిన్నపము
హత్తి నీదాఁసుడనైతి నపరాధాలున్నవా
(॥చిత్త॥)
జగములు నడచేటి సహజ మింతే కాక
వెగటు నాచేఁతలు వేరే వున్నవా
జిగిఁ గర్మమిలఁ జేయించే కాఁపురమే కాక
నిగిడి నావల్ల వేరే నేర్పు నేరాలున్నవా
(॥చిత్త॥)
పంచ మహాభూతాల స్వభావము లింతే కాక
అంచెల నాకు వేరే జన్మాదులున్నవా
కొంచక పనిగొనేటి గుణత్రయమింతే కాక
పంచివేయ నాకు వేరే పాపపుణ్యాలున్నవా
(॥చిత్త॥)
సరిఁ గౌమారయవ్వనజరాల చందాలే కాక
గరిమ నాకు వేరే వికారాలున్నవా
యిరవై శ్రీవేంకటేశ యింతా నీకల్పితమే
కరుణించు మీయాత్మ కౌఁగాము లిఁక నున్నవా
(||pallavi||)
sittagiṁchave deva śhrībadi nāvinnabamu
hatti nīdām̐suḍanaidi nabarādhālunnavā
(||sitta||)
jagamulu naḍaseḍi sahaja miṁte kāga
vĕgaḍu nāsem̐talu vere vunnavā
jigim̐ garmamilam̐ jeyiṁche kām̐purame kāga
nigiḍi nāvalla vere nerbu nerālunnavā
(||sitta||)
paṁcha mahābhūdāla svabhāvamu liṁte kāga
aṁchĕla nāgu vere janmādulunnavā
kŏṁchaga panigŏneḍi guṇatrayamiṁte kāga
paṁchiveya nāgu vere pābabuṇyālunnavā
(||sitta||)
sarim̐ gaumārayavvanajarāla saṁdāle kāga
garima nāgu vere vigārālunnavā
yiravai śhrīveṁkaḍeśha yiṁtā nīgalbidame
karuṇiṁchu mīyātma kaum̐gāmu lim̐ka nunnavā