చిత్తగించవయ్య యీచెలిని నేఁడు
(॥పల్లవి॥)
చిత్తగించవయ్య యీచెలిని నేఁడు
పొత్తుల వలపులిట్టె పోదిసేసినట్లు
(॥చిత్త॥)
మగువ నీకు మొక్కె మాయింటికి రమ్మని
జిగిఁ దన శిరసుపై జేతులు మోడ్చి
వొగి చంపకనాసికమున్నదని యలులకు
వెగటుగాఁ దామరలు వేగు చెప్పినట్లు
(॥చిత్త॥)
వెలఁది నిన్నుఁ బిలిచె విడెము చేకొనుమని
సెలవుల నవ్వు గండ స్తలులు మోవ
అల తాటంకరవులున్నవని కనుఁగల్వలకు
వెలయ మోముఁజంద్రుఁడు వేగు చెప్పంపినట్లు
(॥చిత్త॥)
కన్నె శ్రీ వెంకటేశుఁడ కాఁగిలించి యేలుమని
చన్నులు బిగ్గెనదిమి సందులంటను
వున్నవి యానమయూరాలొద్దనె పామునకు
విన్నపముగాఁ గొండలు వేగుచెప్పినట్లు
(||pallavi||)
sittagiṁchavayya yīsĕlini nem̐ḍu
pŏttula valabuliṭṭĕ podisesinaṭlu
(||sitta||)
maguva nīgu mŏkkĕ māyiṁṭigi rammani
jigim̐ dana śhirasubai jedulu moḍchi
vŏgi saṁpaganāsigamunnadani yalulagu
vĕgaḍugām̐ dāmaralu vegu sĕppinaṭlu
(||sitta||)
vĕlam̐di ninnum̐ bilisĕ viḍĕmu segŏnumani
sĕlavula navvu gaṁḍa stalulu mova
ala tāḍaṁkaravulunnavani kanum̐galvalagu
vĕlaya momum̐jaṁdrum̐ḍu vegu sĕppaṁpinaṭlu
(||sitta||)
kannĕ śhrī vĕṁkaḍeśhum̐ḍa kām̐giliṁchi yelumani
sannulu biggĕnadimi saṁdulaṁṭanu
vunnavi yānamayūrālŏddanĕ pāmunagu
vinnabamugām̐ gŏṁḍalu vegusĕppinaṭlu