చిత్త మతిచంచలము చేఁత బలవంతంబు
(॥పల్లవి॥)
చిత్త మతిచంచలము చేఁత బలవంతంబు
తిత్తిలో జీవుఁ డిటు దిరిగాడుఁ గాక
(॥చిత్త॥)
కదిసి జీవుఁడు పుట్టఁగాఁ బుట్టినటువంటి
మొదలుఁ దుదయును లేని మోహపాశములు
వదలు టెటువలెఁ దారు వదలించు టెటువలెను
పదిలముగ వీనిచేఁ బడి పొరలుఁ గాక
(॥చిత్త॥)
కడలేని జన్మసంగ్రహములై యెన్నఁడును
గడుగ వసములు గాని కర్మవంకములు
విడుచు టెటువలెఁ దారు విడిపించు టెటువలెను
విడువనివిలాపమున వేఁగుటలు గాక
(॥చిత్త॥)
యిందులోపల జీవుఁ డెన్నఁడే నొకమాటు
కందు వెఱిఁగి వివేకగతులభాగ్యమున
అందముగఁ దిరువేంకటాద్రీశు సేవించి
అందరాని సుఖంబు లందుఁ గాక
(||pallavi||)
sitta madisaṁchalamu sem̐ta balavaṁtaṁbu
tittilo jīvum̐ ḍiḍu dirigāḍum̐ gāga
(||sitta||)
kadisi jīvum̐ḍu puṭṭam̐gām̐ buṭṭinaḍuvaṁṭi
mŏdalum̐ dudayunu leni mohabāśhamulu
vadalu ṭĕḍuvalĕm̐ dāru vadaliṁchu ṭĕḍuvalĕnu
padilamuga vīnisem̐ baḍi pŏralum̐ gāga
(||sitta||)
kaḍaleni janmasaṁgrahamulai yĕnnam̐ḍunu
gaḍuga vasamulu gāni karmavaṁkamulu
viḍusu ṭĕḍuvalĕm̐ dāru viḍibiṁchu ṭĕḍuvalĕnu
viḍuvanivilābamuna vem̐guḍalu gāga
(||sitta||)
yiṁdulobala jīvum̐ ḍĕnnam̐ḍe nŏgamāḍu
kaṁdu vĕṟim̐gi vivegagadulabhāgyamuna
aṁdamugam̐ diruveṁkaḍādrīśhu seviṁchi
aṁdarāni sukhaṁbu laṁdum̐ gāga