തങ്കത്താലത്തില്‍ തിങ്കള്‍പ്പൂവുണ്ടോ
സരിഗമ മൂളും പൂങ്കാറ്റേ
ചില്ലിക്കൊമ്പത്തെ അല്ലിച്ചെണ്ടുണ്ടോ
നാലാം നാളില്‍ കല്യാണം
ആതിരാക്കുളിരമ്പിളിയില്‍
സ്വയമലിയാം മോഹവാടികയില്‍
പൂങ്കിനാവിന്‍ ചാരുതയോ
അനുരാഗം സ്നേഹസമ്മാനം....
(തങ്കത്താലത്തില്‍ .....)
പ്രേമസുരഭില മധുമാസം
നിറമാല ചാര്‍ത്തിയ പൂക്കാലം
പാടി വാ...നീ സാമഗാനം
തേന്‍നിലാവില്‍ കളിയാടാം..(പ്രേമസുരഭില...)
കൂട്ടിനാരേ....നീ വരില്ലേ...
ഊയലാടാം ഒന്നുചേരാം.....
ഇണകളല്ലേ നമ്മള്‍ ......
(തങ്കത്താലത്തില്‍ .....)
നായകാ നിന്‍ മൃദുഹാസം
കസവാട ചൂടിയ വാസന്തം
നാദവല്ലകി മീട്ടിടാം ഞാന്‍
പാര്‍വ്വണത്തിന്‍ തിരനോട്ടം(നായകാ...)
ജീവരാഗം നീ തരില്ലേ...
ഞാനറിഞ്ഞൂ നിന്നിലേതോ...
കവിതപോലെ പ്രണയം...
(തങ്കത്താലത്തില്‍ .....)
