(॥పల్లవి॥)
చిఱునవ్వు మెఱుఁగారు సిగ్గుల మోముతోడ
మరగె నిన్నలమేల్మంగ నాచారి
(॥చిఱు॥)
నిలువుఁదురుము మీఁది నెమలిపాదపుడాలు
తొలి మెఱంగుల మించి దొలఁకఁగాను
అలరుచు నినుఁ జూచి అప్పుడె వెరగువడి
మలయుచు నలమేలుమంగ నాచారి
(॥చిఱు॥)
పరగునీమెడ సరపణులవుయ్యాలలో
ఉరుటు మురిపమున నూఁగుచును
గిరికొన్న తమకాన కిందుమిఁదెఱుఁగక
మరచె మే నలమేలు మంగనాచారి
(॥చిఱు॥)
కంచము గని మోవి కమ్మఁదేనే లారగించి
లంచముగఁ గస్తూరి లప్పలు రాల
యెంచఁగఁ దిరువేంకటేశుఁడు నీ పాఁపసజ్జ
మంచమెక్కె నలమేల్మంగనాచారి
(||pallavi||)
siṟunavvu mĕṟum̐gāru siggula momudoḍa
maragĕ ninnalamelmaṁga nāsāri
(||siṟu||)
niluvum̐durumu mīm̐di nĕmalibādabuḍālu
tŏli mĕṟaṁgula miṁchi dŏlam̐kam̐gānu
alarusu ninum̐ jūsi appuḍĕ vĕraguvaḍi
malayusu nalamelumaṁga nāsāri
(||siṟu||)
paragunīmĕḍa sarabaṇulavuyyālalo
uruḍu muribamuna nūm̐gusunu
girigŏnna tamagāna kiṁdumim̐dĕṟum̐gaga
marasĕ me nalamelu maṁganāsāri
(||siṟu||)
kaṁchamu gani movi kammam̐dene lāragiṁchi
laṁchamugam̐ gastūri lappalu rāla
yĕṁcham̐gam̐ diruveṁkaḍeśhum̐ḍu nī pām̐pasajja
maṁchamĕkkĕ nalamelmaṁganāsāri