(॥పల్లవి॥)
సిరిమగఁడే మొగసిరి రక్ష
మరుగురుఁడే మా మర్మపు రక్ష
(॥సిరి॥)
పులుగు నెక్కినవాఁడే పులుగుదోషపు రక్ష
బలు బాలుఁడైనవాఁడే బాలగ్రహ రక్ష
మొలచి పిన్నై మిన్నుముట్టఁబెరిగినవాఁడే
తొలఁగఁ దోసేటి ముట్టుదోషపు రక్ష
(॥సిరి॥)
బూతకిఁ జంపినవాఁడే బూతకి వాకట్టు రక్ష
పాతాళానఁ గూర్మమైనపతి గుంతదోష రక్ష
ఘాతఁగరుణాకరుఁడై కరుణా ధృష్టివాఁడే
మా తరతరము ద్రిష్టిమంత్రపు రక్ష
(॥సిరి॥)
పాముపైఁ బండేటివాఁడే పాములవాకట్టు రక్ష
సేమపు సర్వజీవాత్మ జీవ రక్ష
నేమపు శ్రీవేంకటాద్రి నిలయుఁడై యున్నవాఁడే
యేమిటాను మా పురుఁటియింటి రక్ష
(||pallavi||)
sirimagam̐ḍe mŏgasiri rakṣha
marugurum̐ḍe mā marmabu rakṣha
(||siri||)
pulugu nĕkkinavām̐ḍe pulugudoṣhabu rakṣha
balu bālum̐ḍainavām̐ḍe bālagraha rakṣha
mŏlasi pinnai minnumuṭṭam̐bĕriginavām̐ḍe
tŏlam̐gam̐ doseḍi muṭṭudoṣhabu rakṣha
(||siri||)
būdagim̐ jaṁpinavām̐ḍe būdagi vāgaṭṭu rakṣha
pādāḽānam̐ gūrmamainabadi guṁtadoṣha rakṣha
ghādam̐garuṇāgarum̐ḍai karuṇā dhṛṣhṭivām̐ḍe
mā taradaramu driṣhṭimaṁtrabu rakṣha
(||siri||)
pāmubaim̐ baṁḍeḍivām̐ḍe pāmulavāgaṭṭu rakṣha
semabu sarvajīvātma jīva rakṣha
nemabu śhrīveṁkaḍādri nilayum̐ḍai yunnavām̐ḍe
yemiḍānu mā purum̐ṭiyiṁṭi rakṣha