చిరకాలధర్మములు చివుకు దవ్వఁగఁబోతే
(॥పల్లవి॥)
చిరకాలధర్మములు చివుకు దవ్వఁగఁబోతే
హరిమఱుఁగు చొచ్చితి మాతఁడే రక్షించెను
(॥చిర॥)
భువిఁ దొల్లి లేరా పుణ్యము సేసినవారు
జవళిశాస్త్రములెల్లాఁ జదివినవారు లేరా
దివి కెక్కి దేవతలై తేరినవారు లేరా
యివల నే మివి సేసి యెవ్వరిఁ బోలేము
(॥చిర॥)
తగఁ దొల్లి వినమా తపము సేసినవారి
జిగి నన్నియజ్ఞములు సేసినవారి వినమా
మిగులా సిద్ధివడసి మించినవారి వినమా
యెగువ నే మింతకంటే యెక్కుడు సేసేమా
(॥చిర॥)
పెక్కుమతములు చూచి బెండుపడ్డవారు లేరా
పక్కన నన్నివిద్యలాఁ బరగినవారు లేరా
వోక్కఁడే శ్రీవేంకటేశుఁ డుల్లములో నుండఁగాను
యెక్కుడితనిఁ గొలువ కెవ్వరిఁ బోలేము
(||pallavi||)
siragāladharmamulu sivugu davvam̐gam̐bode
harimaṟum̐gu sŏchchidi mādam̐ḍe rakṣhiṁchĕnu
(||sira||)
bhuvim̐ dŏlli lerā puṇyamu sesinavāru
javaḽiśhāstramulĕllām̐ jadivinavāru lerā
divi kĕkki devadalai terinavāru lerā
yivala ne mivi sesi yĕvvarim̐ bolemu
(||sira||)
tagam̐ dŏlli vinamā tabamu sesinavāri
jigi nanniyajñamulu sesinavāri vinamā
migulā siddhivaḍasi miṁchinavāri vinamā
yĕguva ne miṁtagaṁṭe yĕkkuḍu sesemā
(||sira||)
pĕkkumadamulu sūsi bĕṁḍubaḍḍavāru lerā
pakkana nannividyalām̐ baraginavāru lerā
vokkam̐ḍe śhrīveṁkaḍeśhum̐ ḍullamulo nuṁḍam̐gānu
yĕkkuḍidanim̐ gŏluva kĕvvarim̐ bolemu