చిన్ననాఁడు మద్దులు వంచినవాఁడు తా
(॥పల్లవి॥)
చిన్ననాఁడు మద్దులు వంచినవాఁడు తా-
నున్నవాఁడే యిపుడు నా యొడయఁడై నేఁడు
(॥చిన్న॥)
గోవులఁ గాచినవాఁడు గొల్లెతల మేనిగబ్బుఁ -
దావుల పెనుభ్రమలఁ దగులువాఁడు
కోవిదుఁడెట్లనాయఁ గోమలులఁ బదియారు-
వేవురను వలపించే వెరవరెట్టాయెనే
(॥చిన్న॥)
వెన్నలారగించువాఁడు విడువక వెకలియై
కన్నచోనే తిరిగేటి గద్దరీఁడు
వన్నెకాఁడెట్లానాయ వడి గోపవనితల -
నెన్నరాని చేఁతలెల్ల నెట్టు సేసినాఁడే
(॥చిన్న॥)
కొండలెక్కి దాఁటువాఁడు కొండ మోచునట్టివాఁడు
కొండలే నెలవుగాఁ గైకొన్నవాఁడు
కొండుక పాయపువాఁడు గుబురైన తిరుమల-
కొండమీఁద నెలకొన్న కోనేటివాఁడు
(||pallavi||)
sinnanām̐ḍu maddulu vaṁchinavām̐ḍu tā-
nunnavām̐ḍe yibuḍu nā yŏḍayam̐ḍai nem̐ḍu
(||sinna||)
govulam̐ gāsinavām̐ḍu gŏllĕdala menigabbum̐ -
dāvula pĕnubhramalam̐ daguluvām̐ḍu
kovidum̐ḍĕṭlanāyam̐ gomalulam̐ badiyāru-
vevuranu valabiṁche vĕravarĕṭṭāyĕne
(||sinna||)
vĕnnalāragiṁchuvām̐ḍu viḍuvaga vĕgaliyai
kannasone tirigeḍi gaddarīm̐ḍu
vannĕgām̐ḍĕṭlānāya vaḍi gobavanidala -
nĕnnarāni sem̐talĕlla nĕṭṭu sesinām̐ḍe
(||sinna||)
kŏṁḍalĕkki dām̐ṭuvām̐ḍu kŏṁḍa mosunaṭṭivām̐ḍu
kŏṁḍale nĕlavugām̐ gaigŏnnavām̐ḍu
kŏṁḍuga pāyabuvām̐ḍu guburaina tirumala-
kŏṁḍamīm̐da nĕlagŏnna koneḍivām̐ḍu