చిన్నఁబోయి వుందాననా చేరి నీతో నలిగేనా
(॥పల్లవి॥)
చిన్నఁబోయి వుందాననా చేరి నీతో నలిగేనా
సన్నల నిన్నుఁ జింతించే జాడ లింతేకాక
(॥చిన్న॥)
నెక్కొన్న వేడుకలకు నీవు గలవు మాకు
చెక్కు చేతితోడుతను చింత మాకేల
వక్కణతోఁ గన్నుఁ గలువలు గలమోముతోడ
గుక్కక తామెర చేయిఁ గూర్చితిఁగాక
(॥చిన్న॥)
దట్టమై నామతిలోన తగు నీరూపెడయదు
వట్టి విరహాన వసివాడనేల
పట్టి తనువల్లిగాన పన్నీరు గంద మందుకు
పెట్టి పొరలించె మెత్తి పెద్దసేసేఁగాక
(॥చిన్న॥)
కాఁగిట నీవుగలవు కమ్మఁజెమటల రతి
నాఁగి యాఁగి సారె సారె నలయనేలా
కాఁగిటఁ గూడితి శ్రీవెంకటేశ నీ యలపార్చ
వేఁగక నిట్టూరుపుల విసరేఁగాక
(||pallavi||)
sinnam̐boyi vuṁdānanā seri nīdo naligenā
sannala ninnum̐ jiṁtiṁche jāḍa liṁtegāga
(||sinna||)
nĕkkŏnna veḍugalagu nīvu galavu māgu
sĕkku sedidoḍudanu siṁta māgela
vakkaṇadom̐ gannum̐ galuvalu galamomudoḍa
gukkaga tāmĕra seyim̐ gūrsidim̐gāga
(||sinna||)
daṭṭamai nāmadilona tagu nīrūbĕḍayadu
vaṭṭi virahāna vasivāḍanela
paṭṭi tanuvalligāna pannīru gaṁda maṁdugu
pĕṭṭi pŏraliṁchĕ mĕtti pĕddasesem̐gāga
(||sinna||)
kām̐giḍa nīvugalavu kammam̐jĕmaḍala radi
nām̐gi yām̐gi sārĕ sārĕ nalayanelā
kām̐giḍam̐ gūḍidi śhrīvĕṁkaḍeśha nī yalabārsa
vem̐gaga niṭṭūrubula visarem̐gāga