చిన్నదాన నంటాను సిగ్గు అంతేసేఁటికి
(॥పల్లవి॥)
చిన్నదాన నంటాను సిగ్గు అంతేసేఁటికి
పన్నుక నీ విలాసాలు పచారించవే
(॥చిన్న॥)
చెలియ నీ మాఁటలకుఁ జెవి యొగ్గీ నాతఁడు
వెలయ నీ మనవులు విన్నవించవే
పలచని కెమ్మోవికి బాఁతిపడీ నాతఁడు
సొలయుచు నిట్టె చవి చూపఁగదవే
(॥చిన్న॥)
తక్కక నీ మోము చూడఁ దమకించీ నాతఁడు
నెక్కొని యెట్టనెదుట నిలుచుండవే
వెక్కసపుఁ జన్ను లంటి వేగిరించీ నాతఁడు
గుక్కక మిక్కక దండఁ గూచుండఁగదవే
(॥చిన్న॥)
కచ్చుక నీ పొందులకు గాచుకున్నాఁ డాతఁడు
యిచ్చగించి కాఁగిటికి నియ్యకొనవే
ఇచ్చట శ్రీవేంకటేశుఁ డింతలోనె నిన్ను నేలె
మెచ్చి మెచ్చి పొగడుతా మేలమాడఁగదవే
(||pallavi||)
sinnadāna naṁṭānu siggu aṁtesem̐ṭigi
pannuga nī vilāsālu pasāriṁchave
(||sinna||)
sĕliya nī mām̐ṭalagum̐ jĕvi yŏggī nādam̐ḍu
vĕlaya nī manavulu vinnaviṁchave
palasani kĕmmovigi bām̐tibaḍī nādam̐ḍu
sŏlayusu niṭṭĕ savi sūbam̐gadave
(||sinna||)
takkaga nī momu sūḍam̐ damagiṁchī nādam̐ḍu
nĕkkŏni yĕṭṭanĕduḍa nilusuṁḍave
vĕkkasabum̐ jannu laṁṭi vegiriṁchī nādam̐ḍu
gukkaga mikkaga daṁḍam̐ gūsuṁḍam̐gadave
(||sinna||)
kachchuga nī pŏṁdulagu gāsugunnām̐ ḍādam̐ḍu
yichchagiṁchi kām̐giḍigi niyyagŏnave
ichchaḍa śhrīveṁkaḍeśhum̐ ḍiṁtalonĕ ninnu nelĕ
mĕchchi mĕchchi pŏgaḍudā melamāḍam̐gadave