చింతచేఁ జిత్తంబు చిక్కువడినట్లాయ
(॥పల్లవి॥)
చింతచేఁ జిత్తంబు చిక్కువడినట్లాయ
కాంతక్రొవ్విరుల సింగారంపుఁ దురుము
(॥చింతచే॥)
చెలినుదుట మరుఁడు వ్రాసిన వ్రాఁతవలె నాయ
సొలపునను జెదరుంగస్తూరి పట్టు
జలజ లోచన గుండె జల్లనిన యట్లాయ
పులక జొంపముల మెఱుపుల చన్నుదోయి
(॥చింతచే॥)
వనిత వలపుల జలధి వడి మునిఁగినట్లాయ
కొన మిగిలి జారు చెక్కుల చెమటలు
మనసి జాగ్నుల పొగలు మతి నెగసిన ట్లాయ
తనివోని నిట్టూర్పు తాపంబు గాలి
(॥చింతచే॥)
కాంత పరిణత(తు)లు లెక్కలు వెట్టినట్లాయ
కంతు నునురేఖ లంగనమేనను
అంతరంగమున విభుఁడలముకొనిన ట్లాయ
సంతసపు వేంకటేశ్వరుపొందు చెలికి
(||pallavi||)
siṁtasem̐ jittaṁbu sikkuvaḍinaṭlāya
kāṁtakrŏvvirula siṁgāraṁpum̐ durumu
(||siṁtase||)
sĕlinuduḍa marum̐ḍu vrāsina vrām̐tavalĕ nāya
sŏlabunanu jĕdaruṁgastūri paṭṭu
jalaja losana guṁḍĕ jallanina yaṭlāya
pulaga jŏṁpamula mĕṟubula sannudoyi
(||siṁtase||)
vanida valabula jaladhi vaḍi munim̐ginaṭlāya
kŏna migili jāru sĕkkula sĕmaḍalu
manasi jāgnula pŏgalu madi nĕgasina ṭlāya
tanivoni niṭṭūrbu tābaṁbu gāli
(||siṁtase||)
kāṁta pariṇada(tu)lu lĕkkalu vĕṭṭinaṭlāya
kaṁtu nunurekha laṁganamenanu
aṁtaraṁgamuna vibhum̐ḍalamugŏnina ṭlāya
saṁtasabu veṁkaḍeśhvarubŏṁdu sĕligi