(॥పల్లవి॥)
చింత లేమనుచుఁ జేసితివో
కాంతాళించియుఁ గదలదు మనసు
(॥చింత॥)
నిలువునఁ బులకలు నిండెను నామెయిఁ
దలపున నేమని తలఁచితివో
సొలసియు నినుఁ గడు సోఁకఁగ నాడఁగఁ
దలఁచియు నాలికఁ దగులదు మాట
(॥చింత॥)
తాపమె హృదయము దాఁకెం బయిపయి
చూపుల నేమని చూచితివో
కోపము కన్నులఁ గురిసి మోమున
నేపునఁ జిఱునగ వెడయదు నాకు
(॥చింత॥)
ఆఁగిన కుచముల నలసారఁగ నా
కౌఁగిట నేమని కలసితివో
రాఁగవు వేంకట రమణుని చెమటలఁ
దోఁగియు వేడుక దొలగదు నాకు
(||pallavi||)
siṁta lemanusum̐ jesidivo
kāṁtāḽiṁchiyum̐ gadaladu manasu
(||siṁta||)
niluvunam̐ bulagalu niṁḍĕnu nāmĕyim̐
dalabuna nemani talam̐sidivo
sŏlasiyu ninum̐ gaḍu som̐kam̐ga nāḍam̐gam̐
dalam̐siyu nāligam̐ daguladu māḍa
(||siṁta||)
tābamĕ hṛdayamu dām̐kĕṁ bayibayi
sūbula nemani sūsidivo
kobamu kannulam̐ gurisi momuna
nebunam̐ jiṟunaga vĕḍayadu nāgu
(||siṁta||)
ām̐gina kusamula nalasāram̐ga nā
kaum̐giḍa nemani kalasidivo
rām̐gavu veṁkaḍa ramaṇuni sĕmaḍalam̐
dom̐giyu veḍuga dŏlagadu nāgu