చిమ్మకువే గోళ్ళంత జీరలయ్యీని
(॥పల్లవి॥)
చిమ్మకువే గోళ్ళంత జీరలయ్యీని
చిమ్ముఁ జెమటల నిన్నుఁ జిక్కించె నతఁడు
(॥చిమ్మ॥)
కులికి నవ్వకువే కొప్పు వీడీని బెట్టు-
పలుకకువే మోవి బయలయ్యీని
వులికి పడకువే వొళ్ళు నొచ్చీని ని-
న్నెలయించి వలపుల నింత సేసె నతఁడు
(॥చిమ్మ॥)
కన్నుల మొక్కకువే కాఁక రేఁగీని నీ-
వన్నెలు చూపకువే వడ చల్లీని
సన్నలఁ దిట్టకువే చలమెక్కీని నిన్ను
మన్ననలనే సిగ్గు మరపించె నతఁడు
(॥చిమ్మ॥)
గుట్టున నడవవే కొంగు జారీని యింత-
తట్టుపుణుఁగేఁటికే తల నొచ్చీని
గట్టిగ శ్రీ తిరువేంకటరాయఁడు నిన్నుఁ
బెట్టని చోట్లఁ బెట్టిఁ పెద్దసేసె నతఁడు
(||pallavi||)
simmaguve goḽḽaṁta jīralayyīni
simmum̐ jĕmaḍala ninnum̐ jikkiṁchĕ nadam̐ḍu
(||simma||)
kuligi navvaguve kŏppu vīḍīni bĕṭṭu-
palugaguve movi bayalayyīni
vuligi paḍaguve vŏḽḽu nŏchchīni ni-
nnĕlayiṁchi valabula niṁta sesĕ nadam̐ḍu
(||simma||)
kannula mŏkkaguve kām̐ka rem̐gīni nī-
vannĕlu sūbaguve vaḍa sallīni
sannalam̐ diṭṭaguve salamĕkkīni ninnu
mannanalane siggu marabiṁchĕ nadam̐ḍu
(||simma||)
guṭṭuna naḍavave kŏṁgu jārīni yiṁta-
taṭṭubuṇum̐gem̐ṭige tala nŏchchīni
gaṭṭiga śhrī tiruveṁkaḍarāyam̐ḍu ninnum̐
bĕṭṭani soṭlam̐ bĕṭṭim̐ pĕddasesĕ nadam̐ḍu