(॥పల్లవి॥)
సింగారరాయనిఁ దిట్టీఁ జెంచెత వేలి-
వుంగరాలచేత నన్నొత్తకు నీవనుచు
(॥సింగా॥)
గురువింద పొదమరఁగున నుండి బిగిసీని
సిరివరు నెదుటనే చెంచెత
దొరలకే కాక నెత్తురుమన్ను మాకేల
బురదచెమటనామై పొలకంపనుచు
(॥సింగా॥)
గుదిగొన్న మొగలిరేకుల యెన్ను కొనగోరఁ
జిదిమి దేవునివేసీఁ జెంచెత
గదరుఁ బిల్లుల నేతికంపు నీ వొళ్ళెల్ల
కదియకు నా మేను కంటగించీననుచు
(॥సింగా॥)
కప్పురపుఁ దావి వేంకటపతికౌఁగిటఁ
జెప్పక యేతులే చెప్పీఁ జెంచెత
దప్పిదేరు తేనెల తనివార నీమోవి
యెప్పుడుఁ బాయక ఇట్టె ఇచ్చేవో యనుచు
(||pallavi||)
siṁgārarāyanim̐ diṭṭīm̐ jĕṁchĕda veli-
vuṁgarālaseda nannŏttagu nīvanusu
(||siṁgā||)
guruviṁda pŏdamaram̐guna nuṁḍi bigisīni
sirivaru nĕduḍane sĕṁchĕda
dŏralage kāga nĕtturumannu māgela
buradasĕmaḍanāmai pŏlagaṁpanusu
(||siṁgā||)
gudigŏnna mŏgaliregula yĕnnu kŏnagoram̐
jidimi devunivesīm̐ jĕṁchĕda
gadarum̐ billula nedigaṁpu nī vŏḽḽĕlla
kadiyagu nā menu kaṁṭagiṁchīnanusu
(||siṁgā||)
kappurabum̐ dāvi veṁkaḍabadigaum̐giḍam̐
jĕppaga yedule sĕppīm̐ jĕṁchĕda
dappideru tenĕla tanivāra nīmovi
yĕppuḍum̐ bāyaga iṭṭĕ ichchevo yanusu