సిగ్గువడ నేమిటికి చెలువమె యిది నీకు
(॥పల్లవి॥)
సిగ్గువడ నేమిటికి చెలువమె యిది నీకు
యెగ్గు లేదు యిట్టె సింగారించుకొనవయ్యా
(॥సిగ్గు॥)
కపురపు బలుకుల కంటసరులు నీకు
యిపు డిట్టె చెలి యంపె నిందవయ్యా
చపలపు నీమెడ చంద్రవంకల మీఁద
కపురై వుండు నిట్టె కట్టుకొనవయ్యా
(॥సిగ్గు॥)
నెలకొన్నకస్తూరి నిగరపుఁ బోఁగులు
కలికి నీకు నంపెఁ గైకొనవయ్యా
యెలమిని మేదించినితరవాసనఁ గప్పె
పెలుచ వందురు యిట్టె పెట్టుకొనవయ్యా
(॥సిగ్గు॥)
కోవరపుఁ బచ్చికుంకుమపూవుదండ లంపె
శ్రీవెంకటనాథ యింతిఁ జేకొనవయ్యా
తోవల నీమై నంటిన తొలుతటి పస పెల్లా
వేవేగ నిది గప్పె వేసుకొనవయ్యా
(||pallavi||)
sigguvaḍa nemiḍigi sĕluvamĕ yidi nīgu
yĕggu ledu yiṭṭĕ siṁgāriṁchugŏnavayyā
(||siggu||)
kaburabu balugula kaṁṭasarulu nīgu
yibu ḍiṭṭĕ sĕli yaṁpĕ niṁdavayyā
sabalabu nīmĕḍa saṁdravaṁkala mīm̐da
kaburai vuṁḍu niṭṭĕ kaṭṭugŏnavayyā
(||siggu||)
nĕlagŏnnagastūri nigarabum̐ bom̐gulu
kaligi nīgu naṁpĕm̐ gaigŏnavayyā
yĕlamini mediṁchinidaravāsanam̐ gappĕ
pĕlusa vaṁduru yiṭṭĕ pĕṭṭugŏnavayyā
(||siggu||)
kovarabum̐ bachchiguṁkumabūvudaṁḍa laṁpĕ
śhrīvĕṁkaḍanātha yiṁtim̐ jegŏnavayyā
tovala nīmai naṁṭina tŏludaḍi pasa pĕllā
vevega nidi gappĕ vesugŏnavayyā