సిగ్గులేల లోనికి విచ్చేయవయ్య
(॥పల్లవి॥)
సిగ్గులేల లోనికి విచ్చేయవయ్య
అగ్గమాయ నావంటిదే ఆపెయు నీకిపుడు
(॥సిగ్గు॥)
మఱఁగుకు రావయ్య మంచిమేలు సుద్దిచెప్పే
మెఱసి నీవెంత మెచ్చు మెచ్చేవో కాని
తఱి తెరమరఁగింతే తారుకాణించఁగవచ్చు
యెఱిఁగి వలచి వచ్చెనేమౌనో కాని
(॥సిగ్గు॥)
చేయిచాఁచఁగదవయ్య చేకానుకొకటి ఇచ్చే
ఆయమెరిఁగెంతముదమందేవో కాని
పాయని చుట్టురికాలు పడితళించఁగ వచ్చు
చాయల నీ గురుతులు సరివచ్చివున్నవి
(॥సిగ్గు॥)
పెనఁగక వుండవయ్య పేరు నీవీఁపున వ్రాసే
ననిచి నీవందుకెంత నవ్వేవో కాని
ఘనుఁడ శ్రీ వేంకటేశ కలసితివిటు నన్ను
యెనసిన నానీడే యిందాఁకా నేనన్నది
(||pallavi||)
siggulela lonigi vichcheyavayya
aggamāya nāvaṁṭide ābĕyu nīgibuḍu
(||siggu||)
maṟam̐gugu rāvayya maṁchimelu suddisĕppe
mĕṟasi nīvĕṁta mĕchchu mĕchchevo kāni
taṟi tĕramaram̐giṁte tārugāṇiṁcham̐gavachchu
yĕṟim̐gi valasi vachchĕnemauno kāni
(||siggu||)
seyisām̐sam̐gadavayya segānugŏgaḍi ichche
āyamĕrim̐gĕṁtamudamaṁdevo kāni
pāyani suṭṭurigālu paḍidaḽiṁcham̐ga vachchu
sāyala nī gurudulu sarivachchivunnavi
(||siggu||)
pĕnam̐gaga vuṁḍavayya peru nīvīm̐puna vrāse
nanisi nīvaṁdugĕṁta navvevo kāni
ghanum̐ḍa śhrī veṁkaḍeśha kalasidiviḍu nannu
yĕnasina nānīḍe yiṁdām̐kā nenannadi