(॥పల్లవి॥)
సిగ్గరి పెండ్లికొడుకుఁ జేరి చూతము
వొగ్గి సదమదములై వున్నాఁ డటా
(॥సిగ్గరి॥)
వద్ది కిట్టె రమ్మనరే వచ్చీనో రాఁడో
గద్దరి తన లాగులు కందము నేఁడు
బద్దులో నిజమో కాని పచ్చివెచ్చిచేఁతల
వొద్దకతో బండుబం డై వున్నాఁ డటా
(॥సిగ్గరి॥)
మాట మాట దియ్యరే మన సెట్లున్నదో
గాఁటపు తన విద్యలు కందము నేఁడు
చీటకపుచెమ టట చిట్లుగందా లట
మేటిదొరఁ బిలువరే మెరసీ నటా
(॥సిగ్గరి॥)
ముసుఁగు దెరవరే మొకము చూతము నేఁడు
కసుగాటు చేఁత లెల్లఁ గందము గాని
పసతో శ్రీవెంకటపతి నన్ను నిటు గూడె
నస చేసి నాతోనె నవ్వీ నటా
(||pallavi||)
siggari pĕṁḍligŏḍugum̐ jeri sūdamu
vŏggi sadamadamulai vunnām̐ ḍaḍā
(||siggari||)
vaddi kiṭṭĕ rammanare vachchīno rām̐ḍo
gaddari tana lāgulu kaṁdamu nem̐ḍu
baddulo nijamo kāni pachchivĕchchisem̐tala
vŏddagado baṁḍubaṁ ḍai vunnām̐ ḍaḍā
(||siggari||)
māḍa māḍa diyyare mana sĕṭlunnado
gām̐ṭabu tana vidyalu kaṁdamu nem̐ḍu
sīḍagabusĕma ṭaḍa siṭlugaṁdā laḍa
meḍidŏram̐ biluvare mĕrasī naḍā
(||siggari||)
musum̐gu dĕravare mŏgamu sūdamu nem̐ḍu
kasugāḍu sem̐ta lĕllam̐ gaṁdamu gāni
pasado śhrīvĕṁkaḍabadi nannu niḍu gūḍĕ
nasa sesi nādonĕ navvī naḍā