సిబ్బితి పడఁగనేల చింతలఁ బొరలనేల
(॥పల్లవి॥)
సిబ్బితి పడఁగనేల చింతలఁ బొరలనేల
గొబ్బున మొదలి నీరు కొనకెక్కదా
(॥సిబ్బి॥)
నెలవై తత్వార్థము నే నెరఁగకుండినాను
తలఁపులోపలివాఁడు తా నెరుఁగుఁగా
అలసి దేహమున నే నశుచినై యుండినాను
యిల నాయంతరియామి యెప్పుడూ శుచేకా
(॥సిబ్బి॥)
తిరమై నేను దివ్యదేశముల నుండకున్న
ధర నాలోఁ బరమాత్మ తానుండుఁగా
నిరతి గుణముల నే నీచుఁడనైనాను
అరయ నాపాలిహరి యధికుఁడేకా
(॥సిబ్బి॥)
వొగి నేఁ బరత్రంత్రుఁడనై వుండినాను నాలోన
తగిన స్వతంత్రుఁడు తాఁ గలఁడు గా
వెగటై నే నుండినా శ్రీ వేంకటేశుఁ డెదుటనే
వగలెల్లఁ దీర్చి కైవశమాయగా
(||pallavi||)
sibbidi paḍam̐ganela siṁtalam̐ bŏralanela
gŏbbuna mŏdali nīru kŏnagĕkkadā
(||sibbi||)
nĕlavai tatvārdhamu ne nĕram̐gaguṁḍinānu
talam̐pulobalivām̐ḍu tā nĕrum̐gum̐gā
alasi dehamuna ne naśhusinai yuṁḍinānu
yila nāyaṁtariyāmi yĕppuḍū śhusegā
(||sibbi||)
tiramai nenu divyadeśhamula nuṁḍagunna
dhara nālom̐ baramātma tānuṁḍum̐gā
niradi guṇamula ne nīsum̐ḍanainānu
araya nābālihari yadhigum̐ḍegā
(||sibbi||)
vŏgi nem̐ baratraṁtrum̐ḍanai vuṁḍinānu nālona
tagina svadaṁtrum̐ḍu tām̐ galam̐ḍu gā
vĕgaḍai ne nuṁḍinā śhrī veṁkaḍeśhum̐ ḍĕduḍane
vagalĕllam̐ dīrsi kaivaśhamāyagā