శ్రీవేంకటేశ్వరుఁడు శ్రీయలమేల్మంగతోడ
(॥పల్లవి॥)
శ్రీవేంకటేశ్వరుఁడు శ్రీయలమేల్మంగతోడ
కోవిదుఁడై విహరించీ కోడతిరుణాళ్లు
(॥శ్రీవేం॥)
వెల్లవిరిగా వీదుల వెన్నెలలు గాయఁగా
చల్లని పూవులవాన జడి మించఁగా
వొల్లనే సతులు దన్ను వుగ్గళించి పొగడఁగా
కొల్లలాడీ వలపలు కోడతిరుణాళ్లు
(॥శ్రీవేం॥)
ఆటల పాటలవాఁడు అండనే వినిపించఁగా
పాటించి యారగింపులు పైపైఁ జేయఁగా
గాఁటముగ వీడెములు గందములు నందుకొంటా
కోటి భోగాలు భోగించీ కోడతిరుణాళ్లు
(॥శ్రీవేం॥)
చేరి పన్నీరు కప్రము శిరసునఁ గులుకఁగా
వూరక యిందరు కొలువులు సేయఁగా
యీరీతి శ్రీవేంకటేశుఁడిందరుసతులఁ గూడి
కోరికలు వెదచల్లీ కోడతిరుణాళ్లు
(||pallavi||)
śhrīveṁkaḍeśhvarum̐ḍu śhrīyalamelmaṁgadoḍa
kovidum̐ḍai vihariṁchī koḍadiruṇāḽlu
(||śhrīveṁ||)
vĕllavirigā vīdula vĕnnĕlalu gāyam̐gā
sallani pūvulavāna jaḍi miṁcham̐gā
vŏllane sadulu dannu vuggaḽiṁchi pŏgaḍam̐gā
kŏllalāḍī valabalu koḍadiruṇāḽlu
(||śhrīveṁ||)
āḍala pāḍalavām̐ḍu aṁḍane vinibiṁcham̐gā
pāḍiṁchi yāragiṁpulu paibaim̐ jeyam̐gā
gām̐ṭamuga vīḍĕmulu gaṁdamulu naṁdugŏṁṭā
koḍi bhogālu bhogiṁchī koḍadiruṇāḽlu
(||śhrīveṁ||)
seri pannīru kapramu śhirasunam̐ gulugam̐gā
vūraga yiṁdaru kŏluvulu seyam̐gā
yīrīdi śhrīveṁkaḍeśhum̐ḍiṁdarusadulam̐ gūḍi
korigalu vĕdasallī koḍadiruṇāḽlu