(॥పల్లవి॥)
శ్రీవేంకటేశ్వరుఁడు చేరి విజయముఁ బొంది
దేవతలు చూడ దశదిక్కులకు నేసెను
(॥శ్రీవేం॥)
అరికమ్ము వేసెనట్టె అల్లనరకాసురుపై
మేరమీరి రావణునిమీఁద నేసెను
సారపుజలధిమీఁద జలములింకఁగ నేసె
దారి దప్పకుండ నేడుదాళ్లు దెగనేసె
(॥శ్రీవేం॥)
పగదీర మింటిమీఁది బాణునిమీఁద నేసె
మిగుల మెరసి మాయమృగము నేసె
జగములో రాక్షసుల సంహరముగ నేసె
నిగిడి రక్తగుండాలు నిండ నేసెను
(॥శ్రీవేం॥)
ఖరదూషణాదుల కడిఖండలుగ నేసె
సరుసఁ గుంభకర్ణునిఁ జావనేసెను
అరిది శ్రీవేంకటేశుఁ డలమేలుమంగఁ గూడి
గరుడనిమీఁద నెక్కి కంటువాయ నేసెను
(||pallavi||)
śhrīveṁkaḍeśhvarum̐ḍu seri vijayamum̐ bŏṁdi
devadalu sūḍa daśhadikkulagu nesĕnu
(||śhrīveṁ||)
arigammu vesĕnaṭṭĕ allanaragāsurubai
meramīri rāvaṇunimīm̐da nesĕnu
sārabujaladhimīm̐da jalamuliṁkam̐ga nesĕ
dāri dappaguṁḍa neḍudāḽlu dĕganesĕ
(||śhrīveṁ||)
pagadīra miṁṭimīm̐di bāṇunimīm̐da nesĕ
migula mĕrasi māyamṛgamu nesĕ
jagamulo rākṣhasula saṁharamuga nesĕ
nigiḍi raktaguṁḍālu niṁḍa nesĕnu
(||śhrīveṁ||)
kharadūṣhaṇādula kaḍikhaṁḍaluga nesĕ
sarusam̐ guṁbhagarṇunim̐ jāvanesĕnu
aridi śhrīveṁkaḍeśhum̐ ḍalamelumaṁgam̐ gūḍi
garuḍanimīm̐da nĕkki kaṁṭuvāya nesĕnu