శ్రీసతికరుణే దిక్కు జీవుల కెల్లా
(॥పల్లవి॥)
శ్రీసతికరుణే దిక్కు జీవుల కెల్లా
వాసుదేవుఁడా రమణీవశమై యుండఁగను
(॥శ్రీసతి॥)
సీతవద్దనుండ రాముచేఁ గాకాసురునకు
నాతలఁ బ్రాణము నిల్చె నపరాధియైనాను
యేతుల రావణాసురుఁ డిటువంటివాఁడే కాఁడా
కాతరాన నొంటిఁ జిక్కి పిండతుండా లాయెను
(॥శ్రీసతి॥)
కదిసి రుక్మిణి యుండఁగాఁ గృష్ణునిచే రుక్మికి
అదన బ్రదుకు గల్గె నతిద్రోహి యైనాను
యెదుటనే శిశుపాలుఁ డీరీతివాఁడే కాఁడా
తుద సభలో వదరి తునకలై పడెను
(॥శ్రీసతి॥)
సిరితోడ పైనుండఁగ శ్రీనరసింహుచే దైత్య
గురుపుత్రులు నిలిచిరి క్రూరకర్ము లైనాను
పరగ శ్రీవేంకటేశుపగ గాఁడా హిరణ్యుఁడు
గరిమ నదరిపాటుగాఁగాఁ బొలిసెను
(||pallavi||)
śhrīsadigaruṇe dikku jīvula kĕllā
vāsudevum̐ḍā ramaṇīvaśhamai yuṁḍam̐ganu
(||śhrīsadi||)
sīdavaddanuṁḍa rāmusem̐ gāgāsurunagu
nādalam̐ brāṇamu nilsĕ nabarādhiyainānu
yedula rāvaṇāsurum̐ ḍiḍuvaṁṭivām̐ḍe kām̐ḍā
kādarāna nŏṁṭim̐ jikki piṁḍaduṁḍā lāyĕnu
(||śhrīsadi||)
kadisi rukmiṇi yuṁḍam̐gām̐ gṛṣhṇunise rukmigi
adana bradugu galgĕ nadidrohi yainānu
yĕduḍane śhiśhubālum̐ ḍīrīdivām̐ḍe kām̐ḍā
tuda sabhalo vadari tunagalai paḍĕnu
(||śhrīsadi||)
siridoḍa painuṁḍam̐ga śhrīnarasiṁhuse daitya
gurubutrulu nilisiri krūragarmu lainānu
paraga śhrīveṁkaḍeśhubaga gām̐ḍā hiraṇyum̐ḍu
garima nadaribāḍugām̐gām̐ bŏlisĕnu