(॥పల్లవి॥)
శ్రీహరి సేసిన చిహ్నలివి యీ-
మోహము విడుచుట మోక్షమది
(॥శ్రీహరి॥)
మలినంబేది మణుఁగననేది
కలుషపుమలముల కాయమిది
కలిగిన దేది కడు లేందేది
చలనపు మాయల జన్మ మిది
(॥శ్రీహరి॥)
తనిసిన దేది తనియనిదేది
దినదిన మాఁకలి దీరదిది
కొన యిందేది గుఱి మొదలేది
పనిగొను కర్మపు బంధ మది
(॥శ్రీహరి॥)
నిండినదేది నిండనిదేది
కొండల పొడవుల కోరికది
అండనె శ్రీవేంకటాధిపు శరణని
వుండుటె యిహపరయోగ మది
(||pallavi||)
śhrīhari sesina sihnalivi yī-
mohamu viḍusuḍa mokṣhamadi
(||śhrīhari||)
malinaṁbedi maṇum̐gananedi
kaluṣhabumalamula kāyamidi
kaligina dedi kaḍu leṁdedi
salanabu māyala janma midi
(||śhrīhari||)
tanisina dedi taniyanidedi
dinadina mām̐kali dīradidi
kŏna yiṁdedi guṟi mŏdaledi
panigŏnu karmabu baṁdha madi
(||śhrīhari||)
niṁḍinadedi niṁḍanidedi
kŏṁḍala pŏḍavula korigadi
aṁḍanĕ śhrīveṁkaḍādhibu śharaṇani
vuṁḍuḍĕ yihabarayoga madi