(॥పల్లవి॥)
శ్రీపతియె రక్షించుఁ గాక మరి
యేపున జంతువుల మే మెఱుఁగుదుము
(॥శ్రీపతి॥)
జలధుల లోఁతును హరి భువి వేఁగుసు
అలరించిన శ్రీహరి యెఱుఁగు
పొలసిన జ్ఞానము పుణ్యపాపములు
యిలపై జీవుల మే మెఱుఁగుదుము
(॥శ్రీపతి॥)
అనలము తేజము నాకసము విరివి
అనిశము నారాయణుఁ డెఱుఁగు
మునుకొన్న కాలము మొదలి జన్మములు
యెనయఁగఁ బ్రాణుల మే మెఱుఁగుదుము
(॥శ్రీపతి॥)
విసరే గాలియు విశ్వములోపలి
పస శ్రీ వేంకటపతి యెఱుఁగు
సుసరివై శరణము చొచ్చుట యతనికి
యెసఁగిన దేహుల మే మెఱుఁగుదుము
(||pallavi||)
śhrībadiyĕ rakṣhiṁchum̐ gāga mari
yebuna jaṁtuvula me mĕṟum̐gudumu
(||śhrībadi||)
jaladhula lom̐tunu hari bhuvi vem̐gusu
alariṁchina śhrīhari yĕṟum̐gu
pŏlasina jñānamu puṇyabābamulu
yilabai jīvula me mĕṟum̐gudumu
(||śhrībadi||)
analamu tejamu nāgasamu virivi
aniśhamu nārāyaṇum̐ ḍĕṟum̐gu
munugŏnna kālamu mŏdali janmamulu
yĕnayam̐gam̐ brāṇula me mĕṟum̐gudumu
(||śhrībadi||)
visare gāliyu viśhvamulobali
pasa śhrī veṁkaḍabadi yĕṟum̐gu
susarivai śharaṇamu sŏchchuḍa yadanigi
yĕsam̐gina dehula me mĕṟum̐gudumu