శిష్టరక్షణమును దుష్టనిగ్రహమును
(॥పల్లవి॥)
శిష్టరక్షణమును దుష్టనిగ్రహమును
సృష్టించె నొక్కవేళనే శ్రీజయంతినాఁడు
(॥శిష్ట॥)
హరి కృష్ణావతారమందినయంతలోనే
పరమ మునులకెల్ల భయముడిగెను
తెరలి దైత్యులగుండె దిగులుచొచ్చె నత్తరి
సిరుల మించినయట్టి శ్రీజయంతినాఁడు
(॥శిష్ట॥)
గోవిందుఁడు వసుదేవుకొడుకైన యప్పుడే
గోవులు రంకెలువేసె గొల్లపల్లెను
నోవితోడఁ గంసునికి నూరునిండెఁ జూడఁగానె
చేవలు మీరినయట్టి శ్రీజయంతినాఁడు
(॥శిష్ట॥)
నారాయణుఁడు భువి నరుఁడు దాఁ గాఁగానే
మేరఁ బాండవు లెచ్చిరి మేనవావిని
కౌరవులపని దీరె కమ్మి శ్రీవేంకటేశుఁడు
చేరువనే మెరయఁగ శ్రీజయంతినాఁడు
(||pallavi||)
śhiṣhṭarakṣhaṇamunu duṣhṭanigrahamunu
sṛṣhṭiṁchĕ nŏkkaveḽane śhrījayaṁtinām̐ḍu
(||śhiṣhṭa||)
hari kṛṣhṇāvadāramaṁdinayaṁtalone
parama munulagĕlla bhayamuḍigĕnu
tĕrali daityulaguṁḍĕ digulusŏchchĕ nattari
sirula miṁchinayaṭṭi śhrījayaṁtinām̐ḍu
(||śhiṣhṭa||)
goviṁdum̐ḍu vasudevugŏḍugaina yappuḍe
govulu raṁkĕluvesĕ gŏllaballĕnu
novidoḍam̐ gaṁsunigi nūruniṁḍĕm̐ jūḍam̐gānĕ
sevalu mīrinayaṭṭi śhrījayaṁtinām̐ḍu
(||śhiṣhṭa||)
nārāyaṇum̐ḍu bhuvi narum̐ḍu dām̐ gām̐gāne
meram̐ bāṁḍavu lĕchchiri menavāvini
kauravulabani dīrĕ kammi śhrīveṁkaḍeśhum̐ḍu
seruvane mĕrayam̐ga śhrījayaṁtinām̐ḍu