శిరసుండ మోకాలికి సేసలు చల్లినయట్లు
(॥పల్లవి॥)
శిరసుండ మోకాలికి సేసలు చల్లినయట్లు
మురిపేన చెలికత్తె మొగమేమి చూచేవే
(॥శిర॥)
చెంతలఁ బిలువఁగాను చెలి వూరకుందానవు
పంతము దప్పిన యట్టే పలుకఁగాను
వంతుతో నీ రమణుఁడు వద్ద నిట్టే వుండఁగాను
మంతనానఁ జెలులచే మాటలాడించేవే
(॥శిర॥)
కొనగోరఁ జెనకఁగాను గుట్టుసేకొనేవీడ
ననుపున నాఁటినట్టే నవ్వఁగాను
యెనసి యాతఁడు నీయెదటనే వుండగాఁను
చనవిచ్చి చెలులను సాకిరి గోరేవే
(॥శిర॥)
వున్నతిఁ గాఁగిలించితే నొంటినే సిగ్గువడేవు
చన్నులు గుంగినట్టే సరినొత్తఁగా
అన్నిటా శ్రీ వేంకటేశుఁడాదరించి నిన్నుఁగూడె
చెన్నుఁడంటానితనిఁ జెలితో మెచ్చేవే
(||pallavi||)
śhirasuṁḍa mogāligi sesalu sallinayaṭlu
muribena sĕligattĕ mŏgamemi sūseve
(||śhira||)
sĕṁtalam̐ biluvam̐gānu sĕli vūraguṁdānavu
paṁtamu dappina yaṭṭe palugam̐gānu
vaṁtudo nī ramaṇum̐ḍu vadda niṭṭe vuṁḍam̐gānu
maṁtanānam̐ jĕlulase māḍalāḍiṁcheve
(||śhira||)
kŏnagoram̐ jĕnagam̐gānu guṭṭusegŏnevīḍa
nanubuna nām̐ṭinaṭṭe navvam̐gānu
yĕnasi yādam̐ḍu nīyĕdaḍane vuṁḍagām̐nu
sanavichchi sĕlulanu sāgiri goreve
(||śhira||)
vunnadim̐ gām̐giliṁchide nŏṁṭine sigguvaḍevu
sannulu guṁginaṭṭe sarinŏttam̐gā
anniḍā śhrī veṁkaḍeśhum̐ḍādariṁchi ninnum̐gūḍĕ
sĕnnum̐ḍaṁṭānidanim̐ jĕlido mĕchcheve