శరణన్న విభీషుణుఁ గరుణఁ గాచినవాఁడు
(॥పల్లవి॥)
శరణన్న విభీషుణుఁ గరుణఁ గాచినవాఁడు
పరికింపఁ దారకబ్రహ్మమా యీరాముఁడు
(॥శర॥)
ఆలికై విల్లువిఱిచి వాలికై యమ్మువేసిన-
వాలుమగఁటిమిగలవాఁడా వీఁడు
ఱాలను జలధిగట్టి కేలను మోక్షమిచ్చి
యేలేను జటాయువును యీతఁడా రాముఁడు
(॥శర॥)
మింటికట్లు దెగనేసి యంటి పగసాధించి
దంటరాకుమారుఁడు తా నీశూరుఁడా
బంటుగా వాయుజు నేలి నంటు సుగ్రీవుతోఁ జేసి
కంటకరావణవైరి ఘనుఁడా యీరాముఁడు
(॥శర॥)
రాకాసుల మర్దించి కాకాసురు నటు గాచి
మైకొన్న జానకీరమణుఁ డితఁడా
యీకడ శ్రీవేంకటాద్రి నిరవై తాను నున్నాఁడు
దీకొన్న ప్రతాపపుఁ దేవుఁడా యీరాముఁడు
(||pallavi||)
śharaṇanna vibhīṣhuṇum̐ garuṇam̐ gāsinavām̐ḍu
parigiṁpam̐ dāragabrahmamā yīrāmum̐ḍu
(||śhara||)
āligai villuviṟisi vāligai yammuvesina-
vālumagam̐ṭimigalavām̐ḍā vīm̐ḍu
ṟālanu jaladhigaṭṭi kelanu mokṣhamichchi
yelenu jaḍāyuvunu yīdam̐ḍā rāmum̐ḍu
(||śhara||)
miṁṭigaṭlu dĕganesi yaṁṭi pagasādhiṁchi
daṁṭarāgumārum̐ḍu tā nīśhūrum̐ḍā
baṁṭugā vāyuju neli naṁṭu sugrīvudom̐ jesi
kaṁṭagarāvaṇavairi ghanum̐ḍā yīrāmum̐ḍu
(||śhara||)
rāgāsula mardiṁchi kāgāsuru naḍu gāsi
maigŏnna jānagīramaṇum̐ ḍidam̐ḍā
yīgaḍa śhrīveṁkaḍādri niravai tānu nunnām̐ḍu
dīgŏnna pradābabum̐ devum̐ḍā yīrāmum̐ḍu