(॥పల్లవి॥)
శరణని బ్రదుకరో జనులాల
గరిమ మెరసె నిదె కనకసింహము
(॥శర॥)
అహరహమునుఁ బ్రహ్లాదుఁడు దొరకొని
బహువిధముల హరిమహిమలు వొగడఁగ
కహకహ హిరణ్యకసిపుఁడు నగి హరి
సహజ మేదియని చఱచెఁ గంభము
(॥శర॥)
అటమరి పెటపెటమని బేంట్లెగసి
చిటచిటరవములఁ జిరుతపొగ లెగసి
తటతట మనుచును తరలి వ్రయ్యలై
పటపటమనుచును పగిలెఁ గంభము
(॥శర॥)
బెడిదపు చూపుల మిడుఁగురు లెగయఁగ
పుడమి యదర నూర్పులు చెలఁగ
గడగడ వడఁకి దిక్తటము లల్లాడఁగ
వెడలెఁ గంభమున విజయసింహము
(॥శర॥)
నగవుల సుడివడె నభోంతరంబులు
పొగ లెగసెను పెనుబొమముళ్ళ
పగటు నార్పులను పగిలెనుఁ గొండలు
వెగటుగ వెడలెను వీరసింహము
(॥శర॥)
తెఱచిన నోరఁ బ్రతిధ్వను లెసగఁగ
కఱకుగతుల చుక్కలు చెదర
నెఱి హుంకృతులను నిఖిలము బెదరఁగ
వెఱచఱవఁ గెరలె విమలసింహము
(॥శర॥)
పటువిహారముల బ్రహ్మాండ మగల
గుటగుటరవళి నాకులు వొగడ
నిటలనేత్రమున నెఱమంట లడర
పటుగతి మెరసెను భయదసింహము
(॥శర॥)
పెదపెదకోఱల పిడుగులు రాలఁగ
తుదనఖముల నెత్తురు దొరుగ
గుదిగొను కసరుల కులగిరు లూఁటాడ
వుదయించె నదివో వుగ్రసింహము
(॥శర॥)
అట్టహాసమున నసురలు వారఁగ
ముట్టి వాయువులు మొగతిరుగ
దట్టములై జలధరములు ముసరఁగ
దిట్టయై వెడలె ధీరసింహము
(॥శర॥)
జలధులు గలఁగెను జడిసె లోకములు
తలఁకె సప్తపాతాళములు
వులికిపడఁ దొడఁగె నూర్ధ్వలోకములు
కొలువున నిలిచెను ఘోరసింహము
(॥శర॥)
అచ్చట హిరణ్యు నదరంటఁబట్టి
యిచ్చలఁ దొడపై నిడి చించి
కుచ్చి వాని పేగులు జంద్యములుగ
విచ్చి వేసుకొనె విష్ణుసింహము
(॥శర॥)
పొగడిరి దివిజులు భువనములు వెలసె
పగయుడిగి చెలఁగెఁ బ్రహ్లాదుఁడు
మిగులశాంతమున మించె శ్రీవేంకట-
నగమున నహోబలనారసింహము
(||pallavi||)
śharaṇani bradugaro janulāla
garima mĕrasĕ nidĕ kanagasiṁhamu
(||śhara||)
aharahamunum̐ brahlādum̐ḍu dŏragŏni
bahuvidhamula harimahimalu vŏgaḍam̐ga
kahagaha hiraṇyagasibum̐ḍu nagi hari
sahaja mediyani saṟasĕm̐ gaṁbhamu
(||śhara||)
aḍamari pĕḍabĕḍamani beṁṭlĕgasi
siḍasiḍaravamulam̐ jirudabŏga lĕgasi
taḍadaḍa manusunu tarali vrayyalai
paḍabaḍamanusunu pagilĕm̐ gaṁbhamu
(||śhara||)
bĕḍidabu sūbula miḍum̐guru lĕgayam̐ga
puḍami yadara nūrbulu sĕlam̐ga
gaḍagaḍa vaḍam̐ki diktaḍamu lallāḍam̐ga
vĕḍalĕm̐ gaṁbhamuna vijayasiṁhamu
(||śhara||)
nagavula suḍivaḍĕ nabhoṁtaraṁbulu
pŏga lĕgasĕnu pĕnubŏmamuḽḽa
pagaḍu nārbulanu pagilĕnum̐ gŏṁḍalu
vĕgaḍuga vĕḍalĕnu vīrasiṁhamu
(||śhara||)
tĕṟasina noram̐ bradidhvanu lĕsagam̐ga
kaṟagugadula sukkalu sĕdara
nĕṟi huṁkṛtulanu nikhilamu bĕdaram̐ga
vĕṟasaṟavam̐ gĕralĕ vimalasiṁhamu
(||śhara||)
paḍuvihāramula brahmāṁḍa magala
guḍaguḍaravaḽi nāgulu vŏgaḍa
niḍalanetramuna nĕṟamaṁṭa laḍara
paḍugadi mĕrasĕnu bhayadasiṁhamu
(||śhara||)
pĕdabĕdagoṟala piḍugulu rālam̐ga
tudanakhamula nĕtturu dŏruga
gudigŏnu kasarula kulagiru lūm̐ṭāḍa
vudayiṁchĕ nadivo vugrasiṁhamu
(||śhara||)
aṭṭahāsamuna nasuralu vāram̐ga
muṭṭi vāyuvulu mŏgadiruga
daṭṭamulai jaladharamulu musaram̐ga
diṭṭayai vĕḍalĕ dhīrasiṁhamu
(||śhara||)
jaladhulu galam̐gĕnu jaḍisĕ logamulu
talam̐kĕ saptabādāḽamulu
vuligibaḍam̐ dŏḍam̐gĕ nūrdhvalogamulu
kŏluvuna nilisĕnu ghorasiṁhamu
(||śhara||)
achchaḍa hiraṇyu nadaraṁṭam̐baṭṭi
yichchalam̐ dŏḍabai niḍi siṁchi
kuchchi vāni pegulu jaṁdyamuluga
vichchi vesugŏnĕ viṣhṇusiṁhamu
(||śhara||)
pŏgaḍiri divijulu bhuvanamulu vĕlasĕ
pagayuḍigi sĕlam̐gĕm̐ brahlādum̐ḍu
migulaśhāṁtamuna miṁchĕ śhrīveṁkaḍa-
nagamuna nahobalanārasiṁhamu