(॥పల్లవి॥)
శమము చాలనియట్టి జన్మం బిదేమిటికి
దమము చాలనియట్టి తగు లిదేమిటికి
(॥శమ॥)
పగయునుఁబోలె నాపై సేయునడియాస
తగిలి యేపనేకాని దయ గొంత లేదు
జగడముఁబోలె నలసతిలేనిమమత దను
తెగి వేఁచనేకాని తీరుగడ లేదు
(॥శమ॥)
ఋణమునుఁబోలె తీరియుఁదీరనది కర్మ
గణనగలకాలంబు కడ మొదలు లేదు
వ్రణమునుఁబోలె విడవక రాఁగ దేహజపు-
గుణము సౌఖ్యము తెరువు గొంతయును లేదు
(॥శమ॥)
నీతియుఁబోలెఁ బ్రాణికి వేంకటేశుకృప
చేతికి నిధానంబు చేరినట్లాయ
భూతములఁబోలె తలఁపున కితరసంస్మరణ-
భీతిపుట్టించి యప్రియభావమాయ
(||pallavi||)
śhamamu sālaniyaṭṭi janmaṁ bidemiḍigi
damamu sālaniyaṭṭi tagu lidemiḍigi
(||śhama||)
pagayunum̐bolĕ nābai seyunaḍiyāsa
tagili yebanegāni daya gŏṁta ledu
jagaḍamum̐bolĕ nalasadilenimamada danu
tĕgi vem̐sanegāni tīrugaḍa ledu
(||śhama||)
ṛṇamunum̐bolĕ tīriyum̐dīranadi karma
gaṇanagalagālaṁbu kaḍa mŏdalu ledu
vraṇamunum̐bolĕ viḍavaga rām̐ga dehajabu-
guṇamu saukhyamu tĕruvu gŏṁtayunu ledu
(||śhama||)
nīdiyum̐bolĕm̐ brāṇigi veṁkaḍeśhukṛpa
sedigi nidhānaṁbu serinaṭlāya
bhūdamulam̐bolĕ talam̐puna kidarasaṁsmaraṇa-
bhīdibuṭṭiṁchi yapriyabhāvamāya