చేయవయ్య యింకా నీకుఁ జెల్లినటుల నెల్లాను
(॥పల్లవి॥)
చేయవయ్య యింకా నీకుఁ జెల్లినటుల నెల్లాను
పాయరాని చుట్టమవై పనిగొంటివయ్యా
(॥చేయ॥)
నీనయగారితనమే నిచ్చ నన్ను వలపించె
నానాఁటి ప్రియములు నమ్మింపించె
వీనుల వినుకులే వేడుకలు వుట్టించె
కానీవయ్య యింకా నీవే కలవుగా నాకును
(॥చేయ॥)
మంచి జాణతనములే మరులు గొలిపె మతి
వంచిన మొక్కులు నీకు వసముసేసె
పెంచిన నవ్వులు నీతో పెనఁగలాటకుఁదెచ్చె
యెందకువయ్య నీవే యిచ్చేవింకాఁ జనవు
(॥చేయ॥)
కాఁగిట నీ కూటములు కళలెల్లమొలపించె
చేఁగదీరిన మోవులు చిమ్మిరేఁచెను
వీఁగక శ్రీ వెంకటేశ వింతలుగాఁ గూడితివి
రేఁగించేవయ్య నీవె రేసులేని మెచ్చులు
(||pallavi||)
seyavayya yiṁkā nīgum̐ jĕllinaḍula nĕllānu
pāyarāni suṭṭamavai panigŏṁṭivayyā
(||seya||)
nīnayagāridaname nichcha nannu valabiṁchĕ
nānām̐ṭi priyamulu nammiṁpiṁchĕ
vīnula vinugule veḍugalu vuṭṭiṁchĕ
kānīvayya yiṁkā nīve kalavugā nāgunu
(||seya||)
maṁchi jāṇadanamule marulu gŏlibĕ madi
vaṁchina mŏkkulu nīgu vasamusesĕ
pĕṁchina navvulu nīdo pĕnam̐galāḍagum̐dĕchchĕ
yĕṁdaguvayya nīve yichcheviṁkām̐ janavu
(||seya||)
kām̐giḍa nī kūḍamulu kaḽalĕllamŏlabiṁchĕ
sem̐gadīrina movulu simmirem̐sĕnu
vīm̐gaga śhrī vĕṁkaḍeśha viṁtalugām̐ gūḍidivi
rem̐giṁchevayya nīvĕ resuleni mĕchchulu