(॥పల్లవి॥)
చేయరాని చేఁతలెల్లఁ జేసితివి యింత
పాయరాని సతిమీఁద భయము నీకెట్టిదో
(॥చేయ॥)
ముత్తేల పెండెమిది ముదితది ఆ-
గుత్తపుఁ బాదమునకుఁ గొలఁదైనది
బిత్తరపు ముంజేతనే పెట్టితిని యీ -
మత్తగజగమనపై మన్నన నీకెట్టిదో
(॥చేయ॥)
కుందనంపు మట్టెలివి కోమలివి మోఁత-
లందెలతో జగడించనందమైనవి
యిందు నీకు నుంగరాలై యేచినవి యీ-
యిందుముఖి మీఁది మోహమెంత నీకునెట్టిదో
(॥చేయ॥)
గట్టివలిపెపు చంద్రకాని యిది యింతి
కట్టి విడిచిన నేఁటికమ్మఁదానిది
కట్టి కాసించితివి వేంకటరాయా యీ -
బెట్టైన చెలిమీఁదిప్రేమము నీకెట్టిదో
(||pallavi||)
seyarāni sem̐talĕllam̐ jesidivi yiṁta
pāyarāni sadimīm̐da bhayamu nīgĕṭṭido
(||seya||)
muttela pĕṁḍĕmidi mudidadi ā-
guttabum̐ bādamunagum̐ gŏlam̐dainadi
bittarabu muṁjedane pĕṭṭidini yī -
mattagajagamanabai mannana nīgĕṭṭido
(||seya||)
kuṁdanaṁpu maṭṭĕlivi komalivi mom̐ta-
laṁdĕlado jagaḍiṁchanaṁdamainavi
yiṁdu nīgu nuṁgarālai yesinavi yī-
yiṁdumukhi mīm̐di mohamĕṁta nīgunĕṭṭido
(||seya||)
gaṭṭivalibĕbu saṁdragāni yidi yiṁti
kaṭṭi viḍisina nem̐ṭigammam̐dānidi
kaṭṭi kāsiṁchidivi veṁkaḍarāyā yī -
bĕṭṭaina sĕlimīm̐dipremamu nīgĕṭṭido