(॥పల్లవి॥)
సేవించరో జనులాల చిత్తజగురుఁ డీతఁడు
కేవలదయానిధి సుగ్రీవనారసింహుఁడు
(॥సేవిం॥)
వేయిచేతులతోడ వెన్నెలనవ్వులతోడ
చాయలు దేరేటి శంఖచక్రాలతోడ
అయితమై వున్నవాఁడు అదె సింహాసనముపై
శ్రీయుతుఁడై యెదుట సుగ్రీవనారసింహుఁడు
(॥సేవిం॥)
కుంకుమగోళ్ల తోడ కోరదౌడలతోడ
అంకెలరవిచంద్రనయనములతో
తెంకి నసురలఁ గొట్టి దేవతలకందరికి
కింకలెల్లాఁ బాపెను సుగ్రీవనారసింహుఁడు
(॥సేవిం॥)
బిరుదు పెండేలతోడ పీతాంబరముతోడ
సరిఁ గిరీటాదిభూషణములతో
సిరులకెల్లా నెలవై చెలఁగి శ్రీవేంకటాద్రి-
గిరిమీఁద వెలసెను సుగ్రీవనారసింహుఁడు
(||pallavi||)
seviṁcharo janulāla sittajagurum̐ ḍīdam̐ḍu
kevaladayānidhi sugrīvanārasiṁhum̐ḍu
(||seviṁ||)
veyiseduladoḍa vĕnnĕlanavvuladoḍa
sāyalu dereḍi śhaṁkhasakrāladoḍa
ayidamai vunnavām̐ḍu adĕ siṁhāsanamubai
śhrīyudum̐ḍai yĕduḍa sugrīvanārasiṁhum̐ḍu
(||seviṁ||)
kuṁkumagoḽla toḍa koradauḍaladoḍa
aṁkĕlaravisaṁdranayanamulado
tĕṁki nasuralam̐ gŏṭṭi devadalagaṁdarigi
kiṁkalĕllām̐ bābĕnu sugrīvanārasiṁhum̐ḍu
(||seviṁ||)
birudu pĕṁḍeladoḍa pīdāṁbaramudoḍa
sarim̐ girīḍādibhūṣhaṇamulado
sirulagĕllā nĕlavai sĕlam̐gi śhrīveṁkaḍādri-
girimīm̐da vĕlasĕnu sugrīvanārasiṁhum̐ḍu