చేసినట్టే సేసుఁగాక చెప్పేదేమి
(॥పల్లవి॥)
చేసినట్టే సేసుఁగాక చెప్పేదేమి
సేస వెట్టినట్టి తనచేతిలోనిదానను
(॥చేసి॥)
వేడుకకు వెలలేదు వెన్నెలకుఁ గాటువోదు
ఆడనీవే తన మాట కడ్డము లేదు
గోడ గడుగవచ్చునా కొసరఁగనిఁకనేల
కూడిన తన సతుల గుంపులలోని దానను
(॥చేసి॥)
జవ్వనము పొల్లవోదు చలిగాలి బొందువోదు
నవ్వనీవే తనవావి నడుమఁబోదు
గవ్వ వొరయవచ్చునా కక్కసించ నిఁకనేల
కువ్వగాఁ బోసిన త నకొలువులోదానను
(॥చేసి॥)
తియ్యవిల్లు చప్పగాదు దీకొన్న వలపు వోదు
యియ్యనీవే తన మోవికెంగిలిలేదు
పయ్యదంటి శ్రీ వేంకటపతి నన్నునిదె కూడె
యియ్యెడఁ దాఁ బవళించే యింటిలోనిదానను
(||pallavi||)
sesinaṭṭe sesum̐gāga sĕppedemi
sesa vĕṭṭinaṭṭi tanasedilonidānanu
(||sesi||)
veḍugagu vĕlaledu vĕnnĕlagum̐ gāḍuvodu
āḍanīve tana māḍa kaḍḍamu ledu
goḍa gaḍugavachchunā kŏsaram̐ganim̐kanela
kūḍina tana sadula guṁpulaloni dānanu
(||sesi||)
javvanamu pŏllavodu saligāli bŏṁduvodu
navvanīve tanavāvi naḍumam̐bodu
gavva vŏrayavachchunā kakkasiṁcha nim̐kanela
kuvvagām̐ bosina ta nagŏluvulodānanu
(||sesi||)
tiyyavillu sappagādu dīgŏnna valabu vodu
yiyyanīve tana movigĕṁgililedu
payyadaṁṭi śhrī veṁkaḍabadi nannunidĕ kūḍĕ
yiyyĕḍam̐ dām̐ bavaḽiṁche yiṁṭilonidānanu