(॥పల్లవి॥)
చేసినట్టే సేసుఁ గాక చింత మాకేలా
వాసీ వంతూ నతనిదే వట్టి జాలి యేలా
(॥చేసి॥)
కర్మమూలమైనవి యీ కాయపువ ర్తనలెల్లా
ధర్మమూలమైనది యీ దైవికము
మర్మమైన వాఁడొక్కఁడే మనసులోనున్న హరి
నిర్మిత మాతనిదింతే నేర నేనెంతవాఁడ
(॥చేసి॥)
ధనమూలమైనది యీ తగిన ప్రపంచమెల్లా
తనువు మూలమైనది యీ తపసులెల్లా
ననిచి యీ రెంటికిని నారాయణుఁడే కర్త
కొనమొద లాతనిదే కొసరు మాకేల
(॥చేసి॥)
భోగమూలమైనది యీ పొందైన సంసారము
యోగమూలము విరతి కొక్కటైనది
యీ గతి శ్రీవేంకటేశుఁ డెట్టు వలసినఁ జేసు
బాగులుగా నీతని శ్రీపాదమే మా దిక్కు
(||pallavi||)
sesinaṭṭe sesum̐ gāga siṁta māgelā
vāsī vaṁtū nadanide vaṭṭi jāli yelā
(||sesi||)
karmamūlamainavi yī kāyabuva rdanalĕllā
dharmamūlamainadi yī daivigamu
marmamaina vām̐ḍŏkkam̐ḍe manasulonunna hari
nirmida mādanidiṁte nera nenĕṁtavām̐ḍa
(||sesi||)
dhanamūlamainadi yī tagina prabaṁchamĕllā
tanuvu mūlamainadi yī tabasulĕllā
nanisi yī rĕṁṭigini nārāyaṇum̐ḍe karda
kŏnamŏda lādanide kŏsaru māgela
(||sesi||)
bhogamūlamainadi yī pŏṁdaina saṁsāramu
yogamūlamu viradi kŏkkaḍainadi
yī gadi śhrīveṁkaḍeśhum̐ ḍĕṭṭu valasinam̐ jesu
bāgulugā nīdani śhrībādame mā dikku