(॥పల్లవి॥)
చేసినట్టల్లాఁ జెల్లె సేఁతలు నీకు
గాసిఁబెట్ట కిఁక నన్నుఁ గరుణించవయ్యా
(॥చేసి॥)
చెప్పినట్టుసేయఁగానె చెరఁగేల పట్టేవు
తప్పులెంచననఁగానె తడవనేల
కొప్పువంచి మొక్కఁగానె గుంపెనపంతాలేల
ముప్పిరి దప్పులు దేర మోవియ్యవయ్యా
(॥చేసి॥)
సరములాడఁగానె సాదించనేల వచ్చేవు
కెరలించకుండఁగానె కేరడమేల
పరగ నేఁ బండఁగానె బలిమిసేయఁగనేల
గరిమ నాకోరినట్లు కాఁగలియ్యవయ్యా
(॥చేసి॥)
కూడి రతిసేయఁగానె కొరేల చూపేవు
వీడెమందుకొనఁగానె వేసాలేలా
పాడితో శ్రీవేంకట పట్టపలమేల్మంగను
జాడతోనింకాను సేలు చల్లవయ్యా
(||pallavi||)
sesinaṭṭallām̐ jĕllĕ sem̐talu nīgu
gāsim̐bĕṭṭa kim̐ka nannum̐ garuṇiṁchavayyā
(||sesi||)
sĕppinaṭṭuseyam̐gānĕ sĕram̐gela paṭṭevu
tappulĕṁchananam̐gānĕ taḍavanela
kŏppuvaṁchi mŏkkam̐gānĕ guṁpĕnabaṁtālela
muppiri dappulu dera moviyyavayyā
(||sesi||)
saramulāḍam̐gānĕ sādiṁchanela vachchevu
kĕraliṁchaguṁḍam̐gānĕ keraḍamela
paraga nem̐ baṁḍam̐gānĕ balimiseyam̐ganela
garima nāgorinaṭlu kām̐galiyyavayyā
(||sesi||)
kūḍi radiseyam̐gānĕ kŏrela sūbevu
vīḍĕmaṁdugŏnam̐gānĕ vesālelā
pāḍido śhrīveṁkaḍa paṭṭabalamelmaṁganu
jāḍadoniṁkānu selu sallavayyā