(॥పల్లవి॥)
చేసిన తన చేఁతలు చెప్పరాదు
యీ సటలవానితోడ నేమి సేతునే
(॥చేసి॥)
వలపు గలవారికి వాసులు పనికిరావు
పిలిచితేఁ బలుకక బిగియరాదు
చలపట్టి వేఁడుకొంటే సమ్మతించకుండరాదు
యెలయించీనిదె తాను యేమిసేతునే
(॥చేసి॥)
మన్ననగలవారికి మంకులు చూపరాదు
సన్నలేమి సేసినాను సాదించరాదు
కన్నులనే నవ్వినాను కాఁతాళము చూపరాదు
యిన్నేసి ప్రియాలు చెప్పీ నేమిసేతునే
(॥చేసి॥)
కూటమిగలవారికి కోపగించు కొనరాదు
పాటించి మేలమాడఁగఁ బదరరాదు
గాఁటమై శ్రీ వేంకటఘనుఁడిట్టె నన్నుఁగూడె
యీటువెట్టెఁ దనతోడ నేమిసేతునే
(||pallavi||)
sesina tana sem̐talu sĕpparādu
yī saḍalavānidoḍa nemi sedune
(||sesi||)
valabu galavārigi vāsulu panigirāvu
pilisidem̐ balugaga bigiyarādu
salabaṭṭi vem̐ḍugŏṁṭe sammadiṁchaguṁḍarādu
yĕlayiṁchīnidĕ tānu yemisedune
(||sesi||)
mannanagalavārigi maṁkulu sūbarādu
sannalemi sesinānu sādiṁcharādu
kannulane navvinānu kām̐tāḽamu sūbarādu
yinnesi priyālu sĕppī nemisedune
(||sesi||)
kūḍamigalavārigi kobagiṁchu kŏnarādu
pāḍiṁchi melamāḍam̐gam̐ badararādu
gām̐ṭamai śhrī veṁkaḍaghanum̐ḍiṭṭĕ nannum̐gūḍĕ
yīḍuvĕṭṭĕm̐ danadoḍa nemisedune