చేరి నీవు చెప్పినట్టు సేసితి నేను
(॥పల్లవి॥)
చేరి నీవు చెప్పినట్టు సేసితి నేను
వారి వీరివలె మఱవకుమీ నన్నునూ
(॥చేరి॥)
జలధి దచ్చి లక్ష్మీని సంగడిఁ బెండ్లాడునాఁడు
అలరి రుక్మిణిఁ బెండ్లి ఆడెనాఁడు
సెలసువిల్లు విఱిచి సీతఁ బెండ్లి యాడునాఁడు
పలికి బొంకనిమాఁటపట్టు నాకు నిమ్మీ
(॥చేరి॥)
సరుసఁ బదారువేలుసతులఁ బెండ్లాడునాఁడు
అరసి భూసతిఁ బెండ్లియాడు నాఁడు
పరగ రేపల్లె గోపభామలఁ బెండ్లాడునాఁడు
యిరవై యిచ్చినబాస యిమ్మీ నాకు
(॥చేరి॥)
ఆదె శ్రీ వెంకటపతి అలమేలుమంగ నిట్టె
అదన నీవు పెండ్లియాడునాడూ
యిదె నన్నుఁ గూడితివి యెక్కువగా మన్నించి
యెదుట నమ్మించినవి యెంచుమీ నాకు
(||pallavi||)
seri nīvu sĕppinaṭṭu sesidi nenu
vāri vīrivalĕ maṟavagumī nannunū
(||seri||)
jaladhi dachchi lakṣhmīni saṁgaḍim̐ bĕṁḍlāḍunām̐ḍu
alari rukmiṇim̐ bĕṁḍli āḍĕnām̐ḍu
sĕlasuvillu viṟisi sīdam̐ bĕṁḍli yāḍunām̐ḍu
paligi bŏṁkanimām̐ṭabaṭṭu nāgu nimmī
(||seri||)
sarusam̐ badāruvelusadulam̐ bĕṁḍlāḍunām̐ḍu
arasi bhūsadim̐ bĕṁḍliyāḍu nām̐ḍu
paraga reballĕ gobabhāmalam̐ bĕṁḍlāḍunām̐ḍu
yiravai yichchinabāsa yimmī nāgu
(||seri||)
ādĕ śhrī vĕṁkaḍabadi alamelumaṁga niṭṭĕ
adana nīvu pĕṁḍliyāḍunāḍū
yidĕ nannum̐ gūḍidivi yĕkkuvagā manniṁchi
yĕduḍa nammiṁchinavi yĕṁchumī nāgu