చేరి నీకు వినయాలు సేతుఁ గాక
(॥పల్లవి॥)
చేరి నీకు వినయాలు సేతుఁ గాక
మేరతో మేలమాడఁగా మితిమీర వచ్చునా
(॥చేరి॥)
వరుసతో నిన్నెంత వలపించ నేర్చినాను
అరసి పంతాలు నే నాడవచ్చునా
దొరఁ జేసి నీవెంత దొడ్డగా మన్నించినాను
పరగ గర్వము నీతోఁ బచారించ వచ్చునా
(॥చేరి॥)
నెమ్మి నూడిగాలు సేసి నిన్నెంతమెప్పించినాను
చిమ్ములు మందెమేళాలు సేయవచ్చునా
కమ్ముకొని నీవెంత కాఁగిటఁ బెనఁగినాను
యెమ్మెలకు నిన్ను నెలయించ వచ్చునా
(॥చేరి॥)
కలికినై నిన్నెంత కైవసము చేసుకొన్నా
కెలయుచు నిన్ను జంకించవచ్చునా
అలరి శ్రీవేంకటేశ అలమేల్మంగనే నేను
పలుమారు నీమేను పచ్చిసేయవచ్చునా
(||pallavi||)
seri nīgu vinayālu sedum̐ gāga
merado melamāḍam̐gā midimīra vachchunā
(||seri||)
varusado ninnĕṁta valabiṁcha nersinānu
arasi paṁtālu ne nāḍavachchunā
dŏram̐ jesi nīvĕṁta dŏḍḍagā manniṁchinānu
paraga garvamu nīdom̐ basāriṁcha vachchunā
(||seri||)
nĕmmi nūḍigālu sesi ninnĕṁtamĕppiṁchinānu
simmulu maṁdĕmeḽālu seyavachchunā
kammugŏni nīvĕṁta kām̐giḍam̐ bĕnam̐ginānu
yĕmmĕlagu ninnu nĕlayiṁcha vachchunā
(||seri||)
kaliginai ninnĕṁta kaivasamu sesugŏnnā
kĕlayusu ninnu jaṁkiṁchavachchunā
alari śhrīveṁkaḍeśha alamelmaṁgane nenu
palumāru nīmenu pachchiseyavachchunā