(॥పల్లవి॥)
చేరి కొల్వరో యాతఁడు శ్రీదేవుఁడు
యీరీతి శ్రీవేంకటాద్రి నిరవైన దేవుఁడు
(॥చేరి॥)
అలమేలుమంగ నురమందిడుకొన్నదేవుఁడు
చెలఁగి శంఖచక్రాలచేతి దేవుఁడు
కలవరదహస్తముఁ గటిహస్తపు దేవుఁడు
మలసీ శ్రీవత్సవనమాలికల దేవుఁడు
(॥చేరి॥)
ఘనమకరకుండలకర్ణముల దేవుఁడు
కనకపీతాంబర శృంగార దేవుఁడు
ననిచి బ్రహ్మాదుల నాభిఁగన్నదేవుఁడు
జనించెఁ బాదాల గంగ సంగతైన దేవుఁడు
(॥చేరి॥)
కోటిమన్మథాకార సంకులమైన దేవుఁడు
జూటపుఁగిరీటపు మించుల దేవుఁడు
వాటపుసొమ్ములతోడి వసుధాపతిదేవుఁడు
యీటులేని శ్రీవేంకటేశుఁడైన దేవుఁడు
(||pallavi||)
seri kŏlvaro yādam̐ḍu śhrīdevum̐ḍu
yīrīdi śhrīveṁkaḍādri niravaina devum̐ḍu
(||seri||)
alamelumaṁga nuramaṁdiḍugŏnnadevum̐ḍu
sĕlam̐gi śhaṁkhasakrālasedi devum̐ḍu
kalavaradahastamum̐ gaḍihastabu devum̐ḍu
malasī śhrīvatsavanamāligala devum̐ḍu
(||seri||)
ghanamagaraguṁḍalagarṇamula devum̐ḍu
kanagabīdāṁbara śhṛṁgāra devum̐ḍu
nanisi brahmādula nābhim̐gannadevum̐ḍu
janiṁchĕm̐ bādāla gaṁga saṁgadaina devum̐ḍu
(||seri||)
koḍimanmathāgāra saṁkulamaina devum̐ḍu
jūḍabum̐girīḍabu miṁchula devum̐ḍu
vāḍabusŏmmuladoḍi vasudhābadidevum̐ḍu
yīḍuleni śhrīveṁkaḍeśhum̐ḍaina devum̐ḍu