చెప్పినట్టు సేసేఁగాక చెనకనేలా
(॥పల్లవి॥)
చెప్పినట్టు సేసేఁగాక చెనకనేలా
కప్పితివి పచ్చడము ఘనతిదె చాలదా
(॥చెప్ప॥)
యెన్నిలేవు మంచిమాట లెందాఁకా నాదేవు
విన్న వినుకులె కావా వెనకకును
సన్నముగాఁ బులకించె జలజలఁ జెమరించె
కన్నుల నీళ్ళు దుడిచి కైకొంటివి చాలదా
(॥చెప్ప॥)
యింతలోనె చెక్కు నొక్కే వేమి నేరుచుకొంటివి
వంతు వచ్చినదెకాదా వనితలతో
దొంతులాయఁ గోరికలు తురుమునెరులు జారె
యింతట వంచినశిర సెత్తితివి చాలదా
(॥చెప్ప॥)
కలసితి విట్టి నిన్ను కడుజాణ మవుదువు
తొలుతనె మెచ్చనా దూరుతా నిన్ను
యెలమి శ్రీ వెంకటేశ యేకచిత్తమాయ నాకు
తెలిగన్నులనె సిగ్గు దేర్చితివి చాలదా
(||pallavi||)
sĕppinaṭṭu sesem̐gāga sĕnaganelā
kappidivi pachchaḍamu ghanadidĕ sāladā
(||sĕppa||)
yĕnnilevu maṁchimāḍa lĕṁdām̐kā nādevu
vinna vinugulĕ kāvā vĕnagagunu
sannamugām̐ bulagiṁchĕ jalajalam̐ jĕmariṁchĕ
kannula nīḽḽu duḍisi kaigŏṁṭivi sāladā
(||sĕppa||)
yiṁtalonĕ sĕkku nŏkke vemi nerusugŏṁṭivi
vaṁtu vachchinadĕgādā vanidalado
dŏṁtulāyam̐ gorigalu turumunĕrulu jārĕ
yiṁtaḍa vaṁchinaśhira sĕttidivi sāladā
(||sĕppa||)
kalasidi viṭṭi ninnu kaḍujāṇa mavuduvu
tŏludanĕ mĕchchanā dūrudā ninnu
yĕlami śhrī vĕṁkaḍeśha yegasittamāya nāgu
tĕligannulanĕ siggu dersidivi sāladā