చెప్పినట్టె పతిపంపు సేతువు గాక
(॥పల్లవి॥)
చెప్పినట్టె పతిపంపు సేతువు గాక
చిప్పిలుఁ జెమటలతో సిగ్గు లేఁటికే
(॥చెప్పి॥)
చెక్కు చేతఁ బెట్టుకోగా సెలవుల నవ్వు నీకుఁ
జిక్కె నేఁడు మరి వేరె చింత యేఁటికే
దక్కె నీకు వలపులు దండ నున్నాఁడు విభుఁడు
మొక్కలపు వెరగుతో మోన మేఁటికే
(॥చెప్పి॥)
నిట్టూర్పు నించఁగాను నిక్కుఁగుచములమీఁద
యిట్టి పులకలు నిందె నేఁకటేఁటికే
జట్టిగొనె వేడుకలు చనవు లాతఁడె యిచ్చె
వట్టి అలుకతోఁ దలవంచ నేఁటికే
(॥చెప్పి॥)
పానుపుపై నుండఁగానె బలిమి శ్రీవెంకటేశుఁ
డానుక నిన్నుఁ గలసె నార డేఁటికే
నీనోము లీడేరె నీమొగఁడు నిన్ను మెచ్చె
కోనల బొమ్మజంకెన కొస రేఁటికే
(||pallavi||)
sĕppinaṭṭĕ padibaṁpu seduvu gāga
sippilum̐ jĕmaḍalado siggu lem̐ṭige
(||sĕppi||)
sĕkku sedam̐ bĕṭṭugogā sĕlavula navvu nīgum̐
jikkĕ nem̐ḍu mari verĕ siṁta yem̐ṭige
dakkĕ nīgu valabulu daṁḍa nunnām̐ḍu vibhum̐ḍu
mŏkkalabu vĕragudo mona mem̐ṭige
(||sĕppi||)
niṭṭūrbu niṁcham̐gānu nikkum̐gusamulamīm̐da
yiṭṭi pulagalu niṁdĕ nem̐kaḍem̐ṭige
jaṭṭigŏnĕ veḍugalu sanavu lādam̐ḍĕ yichchĕ
vaṭṭi alugadom̐ dalavaṁcha nem̐ṭige
(||sĕppi||)
pānububai nuṁḍam̐gānĕ balimi śhrīvĕṁkaḍeśhum̐
ḍānuga ninnum̐ galasĕ nāra ḍem̐ṭige
nīnomu līḍerĕ nīmŏgam̐ḍu ninnu mĕchchĕ
konala bŏmmajaṁkĕna kŏsa rem̐ṭige