చెప్పితే నాశ్చర్యము సేసినచేఁత లితఁడు
(॥పల్లవి॥)
చెప్పితే నాశ్చర్యము సేసినచేఁత లితఁడు
ముప్పిరి మనుజ వేషమునఁ బుట్టె నీతఁడు
(॥చెప్పి॥)
రాముఁ డుదయించె దశరథునికిఁ దమ్ములతో
గామిడైన తాటకిని ఖండించెను
ఆముక యజ్ఞము గాచె హరుని విల్లు విరిచె
ప్రేమమున సీతాదేవిఁ బెండ్లి యాడెను
(॥చెప్పి॥)
మడియించె ఖరునిని మారీచుని వధియించె
కెడపె వాలిని యా సుగ్రీవునిఁ బెంచె
జడధి బంధించెను సరుగ రావణుఁగొట్టె
బడినే విభీషణునిఁ బట్టము గట్టెను
(॥చెప్పి॥)
సీతాదేవితో నయోధ్య సింహాసనంబెక్కె
పోతరించి కుశలవపుత్రు లఁగాంచె
శ్రీ తరుణితోఁగూడ శ్రీ వేంకటేశుఁడై నిల్చె
కౌతుకమున జగము కరుణఁగాఁచెను
(||pallavi||)
sĕppide nāśhcharyamu sesinasem̐ta lidam̐ḍu
muppiri manuja veṣhamunam̐ buṭṭĕ nīdam̐ḍu
(||sĕppi||)
rāmum̐ ḍudayiṁchĕ daśharathunigim̐ dammulado
gāmiḍaina tāḍagini khaṁḍiṁchĕnu
āmuga yajñamu gāsĕ haruni villu virisĕ
premamuna sīdādevim̐ bĕṁḍli yāḍĕnu
(||sĕppi||)
maḍiyiṁchĕ kharunini mārīsuni vadhiyiṁchĕ
kĕḍabĕ vālini yā sugrīvunim̐ bĕṁchĕ
jaḍadhi baṁdhiṁchĕnu saruga rāvaṇum̐gŏṭṭĕ
baḍine vibhīṣhaṇunim̐ baṭṭamu gaṭṭĕnu
(||sĕppi||)
sīdādevido nayodhya siṁhāsanaṁbĕkkĕ
podariṁchi kuśhalavabutru lam̐gāṁchĕ
śhrī taruṇidom̐gūḍa śhrī veṁkaḍeśhum̐ḍai nilsĕ
kaudugamuna jagamu karuṇam̐gām̐sĕnu