(॥పల్లవి॥)
చెప్పే నామాట విను చిత్తమా
చిప్పిలు నెండమావుల చెరువులు నున్నవా
(॥చెప్పే॥)
వెగటైనవిషయాల వేడుకపడకు మవి
జిగురుఁగండెలు సుమ్మీ చిత్తమా
పొగరుమూఁపుఁదనాలఁ బొరలకు మవియెల్ల
తగులు విరిపందెల దారివంటివి
(॥చెప్పే॥)
బలిమినె యాసలబారిఁ బడకు మవి
చిలుకల వోఁదా లోచిత్తమా
తలఁచిచూచితేనె తప్పులుఁ దారులె
కలలోని రతులయాఁకట వంటివి
(॥చెప్పే॥)
మేరమీరెకోరికల మిసిమి చూడకు మవి
జీరుకుబండ లోయిచిత్తమా
చేరువనె కాచెటి శ్రీవెంకటనాథుఁగని
గారవాన బ్రదుకుమీ కల్పవృక్ష మతఁడు
(||pallavi||)
sĕppe nāmāḍa vinu sittamā
sippilu nĕṁḍamāvula sĕruvulu nunnavā
(||sĕppe||)
vĕgaḍainaviṣhayāla veḍugabaḍagu mavi
jigurum̐gaṁḍĕlu summī sittamā
pŏgarumūm̐pum̐danālam̐ bŏralagu maviyĕlla
tagulu viribaṁdĕla dārivaṁṭivi
(||sĕppe||)
baliminĕ yāsalabārim̐ baḍagu mavi
silugala vom̐dā losittamā
talam̐sisūsidenĕ tappulum̐ dārulĕ
kalaloni radulayām̐kaḍa vaṁṭivi
(||sĕppe||)
meramīrĕgorigala misimi sūḍagu mavi
jīrugubaṁḍa loyisittamā
seruvanĕ kāsĕḍi śhrīvĕṁkaḍanāthum̐gani
gāravāna bradugumī kalbavṛkṣha madam̐ḍu