చెప్పవద్దు నీ లాగు చెలు లెరఁగనిదా
(॥పల్లవి॥)
చెప్పవద్దు నీ లాగు చెలు లెరఁగనిదా
ముప్పిరి నీవు వెనకముందెంచే వాఁడవా
(॥చెప్ప॥)
వూరటగానందరిని వొకరొకరినే పట్టి
పోరుదీరఁ బొద్దునను భోగించితివి
యీరీతి నెవ్వతెవద్దకేఁగవలశో కాక
పౌరసతులపై నింత బత్తిగలవాఁడవా
(॥చెప్ప॥)
వొగ్గి నీవే పిలిపించి వూరివారినెల్లాను
సిగ్గుదేర లోలోనే చెనకితివి
యెగ్గులేక యవ్వెతె నీయింటికి రాఁగానో కాక
నిగ్గుల నింత మోహము నించేటివాఁడవా
(॥చెప్ప॥)
యిల్లిల్లు దప్పక చొచ్చి యింతియైన దానినెల్లా
కొల్లదీర నొక్కమాటే కూడితివి
యిల్లిదె నన్ను శ్రీ వెంకటేశ కూడేకొరకుఁగా
యెల్లవారిమేకులకు నింత చిక్కేవాఁడవా
(||pallavi||)
sĕppavaddu nī lāgu sĕlu lĕram̐ganidā
muppiri nīvu vĕnagamuṁdĕṁche vām̐ḍavā
(||sĕppa||)
vūraḍagānaṁdarini vŏgarŏgarine paṭṭi
porudīram̐ bŏddunanu bhogiṁchidivi
yīrīdi nĕvvadĕvaddagem̐gavalaśho kāga
paurasadulabai niṁta battigalavām̐ḍavā
(||sĕppa||)
vŏggi nīve pilibiṁchi vūrivārinĕllānu
siggudera lolone sĕnagidivi
yĕggulega yavvĕdĕ nīyiṁṭigi rām̐gāno kāga
niggula niṁta mohamu niṁcheḍivām̐ḍavā
(||sĕppa||)
yillillu dappaga sŏchchi yiṁtiyaina dāninĕllā
kŏlladīra nŏkkamāḍe kūḍidivi
yillidĕ nannu śhrī vĕṁkaḍeśha kūḍegŏragum̐gā
yĕllavārimegulagu niṁta sikkevām̐ḍavā