చెప్పరాని మహిమల శ్రీదేవుఁడితఁడు
(॥పల్లవి॥)
చెప్పరాని మహిమల శ్రీదేవుఁడితఁడు
కప్పి కన్నుల పండుగగాఁ జూడరో
(॥చెప్ప॥)
అద్దుచుఁ గప్పురధూళి యట్టే మేన నలఁదఁగా
వొద్దిక దేవునిభావ మూహించితేను
మద్దులు విరిచినట్టి మంచి బాలకృష్ణునికి
మద్దులకాంతి మేన మలసినటుండె
(॥చెప్ప॥)
అమరఁ దట్టుపుణుఁగు అవధరించఁగాను
తమితోఁ బోలికెలెల్లఁ దచ్చిచూడఁగా
యమునానది నాఁగేట నండకుఁ దీసుకొనఁగా
యమునానది నలుపు అంటిన యట్టుండె
(॥చెప॥)
అంగముల శ్రీవేంకటాధిపున కింతటాను
సింగారించి సొమ్ములెల్లఁ జెలరేఁగఁగా
బంగారపు టలమేలుమంగ నురాన నుంచఁగా
బంగారము మేననెల్లాఁ బరగినట్టుండె
(||pallavi||)
sĕpparāni mahimala śhrīdevum̐ḍidam̐ḍu
kappi kannula paṁḍugagām̐ jūḍaro
(||sĕppa||)
addusum̐ gappuradhūḽi yaṭṭe mena nalam̐dam̐gā
vŏddiga devunibhāva mūhiṁchidenu
maddulu virisinaṭṭi maṁchi bālakṛṣhṇunigi
maddulagāṁti mena malasinaḍuṁḍĕ
(||sĕppa||)
amaram̐ daṭṭubuṇum̐gu avadhariṁcham̐gānu
tamidom̐ boligĕlĕllam̐ dachchisūḍam̐gā
yamunānadi nām̐geḍa naṁḍagum̐ dīsugŏnam̐gā
yamunānadi nalubu aṁṭina yaṭṭuṁḍĕ
(||sĕba||)
aṁgamula śhrīveṁkaḍādhibuna kiṁtaḍānu
siṁgāriṁchi sŏmmulĕllam̐ jĕlarem̐gam̐gā
baṁgārabu ṭalamelumaṁga nurāna nuṁcham̐gā
baṁgāramu menanĕllām̐ baraginaṭṭuṁḍĕ