(॥పల్లవి॥)
చెప్పరాదీ యింతి సిరులు - దీని-
వొప్పులిన్నియుఁ జూడ వొరపులో కాని
(॥చెప్ప॥)
ముదితజఘనముమీఁది మొలనూలిగంటలవి
కదలు రవమెట్లుండెఁ గంటిరే చెలులు
మదనుఁడుండెడి హేమమందిరము దిరిగిరాఁ
గదిసి మ్రోసెడి పారిఘంటలో కాని
(॥చెప్ప॥)
కొమ్మపయ్యెదలోని కుచమూలరుచి వెలికిఁ
జిమ్ముటది యెట్లుండెఁ జెప్పరే చెలులు
యిమ్మైన మరుధనములెల్ల రాసులు వోసి
కమ్ముకొని చెంగావి గప్పిరో కాని
(॥చెప్ప॥)
నెలతకంఠమునందు నీలమణిహరములు
అలరుటెట్లుండు కొనియాడరే చెలులు
లలితాంగి ప్రాణవల్లభుఁడు వేంకటవిభుఁడు
నెలకొన్న కౌఁగిటనె నిలిచెనో కాని
(||pallavi||)
sĕpparādī yiṁti sirulu - dīni-
vŏppulinniyum̐ jūḍa vŏrabulo kāni
(||sĕppa||)
mudidajaghanamumīm̐di mŏlanūligaṁṭalavi
kadalu ravamĕṭluṁḍĕm̐ gaṁṭire sĕlulu
madanum̐ḍuṁḍĕḍi hemamaṁdiramu dirigirām̐
gadisi mrosĕḍi pārighaṁṭalo kāni
(||sĕppa||)
kŏmmabayyĕdaloni kusamūlarusi vĕligim̐
jimmuḍadi yĕṭluṁḍĕm̐ jĕppare sĕlulu
yimmaina marudhanamulĕlla rāsulu vosi
kammugŏni sĕṁgāvi gappiro kāni
(||sĕppa||)
nĕladagaṁṭhamunaṁdu nīlamaṇiharamulu
alaruḍĕṭluṁḍu kŏniyāḍare sĕlulu
lalidāṁgi prāṇavallabhum̐ḍu veṁkaḍavibhum̐ḍu
nĕlagŏnna kaum̐giḍanĕ nilisĕno kāni