చెప్పఁబోతే యీ యర్థము చిత్తము వొడఁబడదు
(॥పల్లవి॥)
చెప్పఁబోతే యీ యర్థము చిత్తము వొడఁబడదు
తప్పులు వెదకకురో తత్వజ్ఞులాల
(॥చెప్పఁ॥)
చెలఁగి మిథ్య యంటాఁ జేసేయజ్ఞాలు ఫలించునా
యిల శూన్యోపాసకుల కేడ దేవుఁడు
లలి మాయా శబళితులకు మోక్ష మెక్కడిది
నలి నభేదవాది కానందానుభవ మేది
(॥చెప్పఁ॥)
హరి శరణుచొరనియట్టివారికి దిక్కేది
గురుఁడు వేరే లేఁడట కోరి వుపదేశమేది
వెరసి శిఖాసూత్రాలు విడిచితే ప్రణవమేది
పరగ భక్తి లేదట భవమేట్టు గడచె
(॥చెప్పఁ॥)
శ్రీవేంకటేశుముద్ర ధరించక వైకుంఠమేది
యీ విభుపేరు జపించకెట్టు పాపా లుత్తరించు
వేవేగ దాసుఁడుగాక వెట్టికేల కరుణించు
సేవించినఁగాక సర్వచింతలేల యుడుగు
(||pallavi||)
sĕppam̐bode yī yardhamu sittamu vŏḍam̐baḍadu
tappulu vĕdagaguro tatvajñulāla
(||sĕppam̐||)
sĕlam̐gi mithya yaṁṭām̐ jeseyajñālu phaliṁchunā
yila śhūnyobāsagula keḍa devum̐ḍu
lali māyā śhabaḽidulagu mokṣha mĕkkaḍidi
nali nabhedavādi kānaṁdānubhava medi
(||sĕppam̐||)
hari śharaṇusŏraniyaṭṭivārigi dikkedi
gurum̐ḍu vere lem̐ḍaḍa kori vubadeśhamedi
vĕrasi śhikhāsūtrālu viḍiside praṇavamedi
paraga bhakti ledaḍa bhavameṭṭu gaḍasĕ
(||sĕppam̐||)
śhrīveṁkaḍeśhumudra dhariṁchaga vaiguṁṭhamedi
yī vibhuberu jabiṁchagĕṭṭu pābā luttariṁchu
vevega dāsum̐ḍugāga vĕṭṭigela karuṇiṁchu
seviṁchinam̐gāga sarvasiṁtalela yuḍugu