చెప్పకున్న దోసము చెంగటఁ గన్నంతవట్టు
(॥పల్లవి॥)
చెప్పకున్న దోసము చెంగటఁ గన్నంతవట్టు
యిప్పుడె యాతని చిత్తమేమైనాఁ జేయని
(॥చెప్ప॥)
మంతనపు విచారాలు మాటల పచారాలు
కాంతకు విభునిఁ బాసి కలిగె నేఁడు
యింతయును గంటిరిగా యింతులార మీరైనా
వింతగానిట్టే విన్నవించరే యాతనికి
(॥చెప్ప॥)
మంచముపై ముసుగులు మనసులో విసుగులు
అంచగమనకిదివో అమరె నేఁడు
మించినవో చెలులాల మీరే తెలిసితిరిగా
ముంచి మీరాతనిపై మోపుగట్టి వేయరే
(॥చెప్ప॥)
కన్నుల తెలినిగ్గులు కాఁకలలో సిగ్గులు(ను)
పన్నిన యీసతిపైనే పైకొనె నేఁడు
యిన్నిట శ్రీ వేంకటేశుఁడింతలో విచ్చేసి కూడె
కన్నెతపము ఫలించె ఘనునిట్టే మెచ్చరే
(||pallavi||)
sĕppagunna dosamu sĕṁgaḍam̐ gannaṁtavaṭṭu
yippuḍĕ yādani sittamemainām̐ jeyani
(||sĕppa||)
maṁtanabu visārālu māḍala pasārālu
kāṁtagu vibhunim̐ bāsi kaligĕ nem̐ḍu
yiṁtayunu gaṁṭirigā yiṁtulāra mīrainā
viṁtagāniṭṭe vinnaviṁchare yādanigi
(||sĕppa||)
maṁchamubai musugulu manasulo visugulu
aṁchagamanagidivo amarĕ nem̐ḍu
miṁchinavo sĕlulāla mīre tĕlisidirigā
muṁchi mīrādanibai mobugaṭṭi veyare
(||sĕppa||)
kannula tĕliniggulu kām̐kalalo siggulu(nu)
pannina yīsadibaine paigŏnĕ nem̐ḍu
yinniḍa śhrī veṁkaḍeśhum̐ḍiṁtalo vichchesi kūḍĕ
kannĕdabamu phaliṁchĕ ghanuniṭṭe mĕchchare