చెప్ప వేఁగు వచ్చెనా చేరి మీకెల్లా బుద్ధులు
(॥పల్లవి॥)
చెప్ప వేఁగు వచ్చెనా చేరి మీకెల్లా బుద్ధులు
చిప్పిలుచు వినివిని చిల్లులాయ మనసు
(॥చెప్ప॥)
పలుకులే వాఁడైతే పట్టవచ్చునా మఱి
అలుగులైనా వొరల నట్టుండుఁ గాక
యెలమినాతఁడాడఁగా నెట్టోరువ వచ్చునే
చెలులార వినివిని చిల్లులాయ మనసు
(॥చెప్ప॥)
చేరి వలపు వేఁడైతే చేతనంటవచ్చునా
సూరియుఁడైనా మొయిలు చొచ్చుఁగాక
కోరి యాతఁడు దిట్టఁగా గుట్టున నెట్టుండుటే
చేరువలు వినివిని చిల్లులాయ మనసు
(॥చెప్ప॥)
నవ్వులే నయములైతే నారొలువవచ్చునా
పువ్వులందే పిందెలును బుట్టుఁగాక
యివ్వల శ్రీ వేంకటేశుఁడెనసె నేమందునే
చివ్వన బూతులు విని చిల్లులాయ మనసు
(||pallavi||)
sĕppa vem̐gu vachchĕnā seri mīgĕllā buddhulu
sippilusu vinivini sillulāya manasu
(||sĕppa||)
palugule vām̐ḍaide paṭṭavachchunā maṟi
alugulainā vŏrala naṭṭuṁḍum̐ gāga
yĕlaminādam̐ḍāḍam̐gā nĕṭṭoruva vachchune
sĕlulāra vinivini sillulāya manasu
(||sĕppa||)
seri valabu vem̐ḍaide sedanaṁṭavachchunā
sūriyum̐ḍainā mŏyilu sŏchchum̐gāga
kori yādam̐ḍu diṭṭam̐gā guṭṭuna nĕṭṭuṁḍuḍe
seruvalu vinivini sillulāya manasu
(||sĕppa||)
navvule nayamulaide nārŏluvavachchunā
puvvulaṁde piṁdĕlunu buṭṭum̐gāga
yivvala śhrī veṁkaḍeśhum̐ḍĕnasĕ nemaṁdune
sivvana būdulu vini sillulāya manasu